Riêkelt

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Riekels, es te dit dialek sjpriks.

---

Riêkelt (Nederlands:Rijckholt) ies 'n dörp in de gemeinte Èèsjde-Mergraote (Eijsden-Margraten) in Zuud-Limburg. Tot 1943 waor 't ein eige gemeinte. Daonao tot 1982 same mèt Groêselt (Gronsveld) en tot 2011 bij Eisde. In Riekelt wone 800 luuj.

Bezeenswaerdig

• De kèrk ies 'n veurmalige kloasterkèrk oet 1883. 'n Ièw later zal ze de parochiekèrk weure, gewiejd aan de heilige Vincentius. Tot de jaore 60 van de 20e ièw waor 't ein baevaartsoord veur luuj oet Zuud-Limburg, Duutsjland en Belsj. Vincentius Ferrer weurt verièrd um genezing te kriege veur diverse krenkdes. Klein kinger krege daoveur de "Vincentiuszege".
• Kesjtièl Rijckholt mèt 'ne mieddelièwse tore oet de 14e ièw.
• 't Kloaster van de zuustersj ónder de Bäög haet es petroanheilioge St. Joep. Allewiel fungeert 't es 'n verzörgings- en verpleeghoes van de Mestreechse congregatie.
• Savelsbösj, 'ne hellingbösj van 240 ha, oetkiekend op 't Maasdal. 'n Informatiepaneel betreffende wandelinge sjteit bie de kèrk.
• In de Savelsbösj bevingk ziech 'n vuursjteinmien. In dees mien woort 3800 jaor veur Christus vuursjtein gekap. Daovan maakde me in de prehistorie getuug. Staatsbosbeheer organiseert róndleidinge.

Inweunersj

• Han van der Meer eigenaer van kesjtièl Riêkelt, TV-presentator same mèt zien vrouw, de sjriefster Annette Heffels.