Struitsellaog
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/c/ca/Oxalis_acetosella_5724.jpg/220px-Oxalis_acetosella_5724.jpg)
De struitsellaog is 't deil vanne baom wo doeaj, gevalle blajer en naolje nag herkinbaar dao zeen. Inne struitsellaog zeen de verrottingspercèsse gäöndje van organisch matterjaal. Baove de struitsellaog ligk de moslaog.
De flotheid worop organisch matterjaal verrotj hingk aaf van e deil zake, worónger de zoerdjegraod enne vóchtigheid vanne baom. Wiejer speeltj de samestèlling van 't matterjaal zelf onnan rol: zoea verrotte coniferespange, beuken- en eikeblajer slech. Blajer vannen ès ennen aels braeke zich daotaenge mekkeliker aaf. 't Matterjaal det euverblief nao 't verrottingspercès hètj humus.
Plantje zeen döks aafhenkelik van 't dao-zeen van anger organisme inne struitsellaog, wie sjummele. Dees laeve dan in 'n symbiotische verhajing. Ouch veur amfibieje is de struitsellaog 'n wichtige voorbrón, vóchaanvöller en sjoelplaats.