Tarnów
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
.jpg)
Tarnów (oetspraok: [ˈtarnuf], taarnoef; Pruus: Tarnau) is 'n stad in 't Poolse woiwodsjap Klein-Pole, gelaenge in de powiat Tarnowski. De oppervlakdje bedruueg 72,38 km², 't inwoeaneraantal 112.026 (2014).
Tarnów waerdje in de 14en ieëuw gestich en waas gónstig gelaenge aan de hanjelsroute tösje Krakau en Lwow. In de 15en ieëuw waerdje Tarnów door 'ne groeate stadsbrandj verwoos. De eigenere van de stad - de familie Tarnowski - gove de ópdrach aan Italiaanse boewmeisters de stad gans te hèrboewe. Häör invlood is toet op de daag van vandaag nag waorömber ó.a. in de vorm van 't rechheukig stadsplein es centrum van de stad, mit 'n aantal hoeze in de renaissancestiel.
Aan dit mertplein lègke ó.a. de vruueger synagoog (noe e museum) en 't stadhoes, wovan de öngelste verdepinge en de toeare nag oet de 14e ieëuw stamme.