Quésta pàgina a l'arechéugge i procèsci pe asegnâ o levâ i riconosciménti de qualitæ a-e vôxe. Pe valutâ 'na candidatûa ò 'na propòsta de rimoçión no gh'é de bezéugno de niscùn requixîto, pe cóntra o l'é inportànte lêze con atençión a pàgina e fâ a pròpia valutaçión se a rispètta o livéllo de vôxe in vedrìnn-a òpû da lêze. Dónca, quélli che fan a valutaçión, se àn di dùbbi ò de òservaçioìn dêvan indicâle in mòddo ciæo, de mòddo d'agiutâ o megioaménto da vôxe.
Se quéllo ch'o fa a candidatûa da vôxe o no l'é un di contribotoî ciù inportànti inta mæxima, o doviéiva prìmma consultâ i aotoî prinçipâli da pàgina.
Critêi
Inta Wikipedia in léngoa lìgure gh'é doî livélli de riconosciménti de qualitæ, atriboîi a-e mêgio vôxe che a comunitæ a l'é ariescîa a scrîve:
- Vôxe da vedrìnn-a: e mêgio vôxe in asolûto inte lij.wiki.
- Vôxe da lêze: e vôxe fæte bén ma da-a ménn-a ciù bàssa de quélle da vedrìnn-a.
Pe valutâ a qualitæ de 'na vôxe, spécce a-o moménto da valutaçión de 'n sò riconosciménto, bezéugna analizâla da-i pónti de vìsta da:
- Conpletéssa: ö sæ quànte a vôxe a l'é ezoustîva, menuçiôza e conzónta in mòddo armoniôzo a-o rèsto da Wikipedia.
- Stîle: ö sæ quànte a pröza a l'é incixîva, ciæa e corètta da-o pónto de vìsta da gramàtica.
- Verificabilitæ: ö sæ quànte e informaçioìn riportæ són suportæ da referénse che se pêuan verificâ.
- Neotralitæ e stabilitæ: ö sæ quànte a vôxe a l'é espòsta rispètto a 'n pónto de vìsta neotrâle e a no l'é sogètta a tròppi cangiaménti, spécce se in sce de questioìn controvèrse.
- File: ö sæ quànte a vôxe a l'é dotâ de inmàgine e de âtri file multimediâli (vìdeo, àodio, màppe, gràfichi...).
|
|