Hugo De Rossi
Articul per Ladin Gherdëina |
![](https://upload.wikimedia.org/wikipedia/commons/3/3d/Hugo_De_Rossi.jpg)
![](https://upload.wikimedia.org/wikipedia/commons/thumb/6/6c/Geschichte-der-ladinischen-literatur-i.pdf/page420-150px-Geschichte-der-ladinischen-literatur-i.pdf.jpg)
![](https://upload.wikimedia.org/wikipedia/commons/thumb/0/0d/Bibliografia_ladina.djvu/page61-150px-Bibliografia_ladina.djvu.jpg)
![](https://upload.wikimedia.org/wikipedia/commons/thumb/0/0d/Bibliografia_ladina.djvu/page62-150px-Bibliografia_ladina.djvu.jpg)
Hugo De Rossi (1875, Poza -1940, Dispruch) fova n funzioner asburgich a Dispruch de ravises fascianes. L fova n ativist dla Union Ladina tla capitela dl Tirol y l fova scialdi ntressà ala vedla lijëndes ladines de si valeda. Se stizan n bona pert sun l lëur dl pluan Giosef Brunel de Zepon ovel salvà truepa documentazion sun la tradizions, la usanzes y la credënzes di vedli ladins. L ova nce lascià n manuscrit de n dizioner fascian de gran valuta[1].
Operes
- Amò valch de i draghes
- Amò valch da la Catertempora
- Amò valch de la contessa de Doleda
- Bregostana e le budele
- Bregostane
- Chel veie Baf e le sorice
- Chel veie Pizagol e le strie
- Cian bolfin
- Ciaslea
- Coche la é stada che son ruà sul bal dei Dolomitenladiner
- Coche le strie fasc a moujer le vace di etres
- Col de mé
- Descrizion de la procescion da Sèn Vit
- Don Palla
- L Cuch
- I Fedomes, Trevijegn e le Vivane
- L paternoster
- L segnal Partenop
- I Unni
- Invidia no porta ben
- Jan de Pitorel
- L cortel con nef crousc
- L Cougol del Mat de Adam
- L Crist de Fedaa
- L destrutor del mur de la cortina de Sènt'Uliana
- L fus de òr
- L gial e la fémena sun Ruacia
- L louf n vea de Nadal
- L maitin di morc a Sènt'Uliana
- L'om dal bosch (Salvan)
- L' ost mbroià o la scomescia fatala. Farsa in un at
- L Pavaruch
- L Salvanel
- L saut de Giòchele te la libertà
- L traditor de fech
- L veje dai cugologn
- L Vivan sa Mazin
- L voto de la procescion da Sèn Vit
- La bregostana e la veia Cinch
- La Bregostana e la masciara
- La Bregostana sa Palua
- La carmelitana
- La Catertempora
- La contessa da Doleda (1)
- La contessa da Doleda (2)
- La Cristianisazion
- La fémena senza ciaf
- La frabica de la gejia de Sènt'Uliana
- La gran ciampana da Sèn Jan
- La lum di morc
- La Marmolèda
- La palparota (Cea)
- La Sagra de Sènt'Uljana
- La stria sul ciar
- La trota
- La vea apede n mort
- La veia Costacia e la rana
- La veia di cougologn
- La veia Poca
- La Vivana da Mazin
- Ladrones
- L'ancona apede l pont del ruf de Valongia
- Le Bregostane (ta molin de Pian)
- Le bregostane e l Conzil de Trent
- Le fae
- Le granade
- Le prume abitazion de Ciampedel
- Le schiussane
- Le strie e la garnaa
- Le viere de or
- Le Vivane
- Le Vivane e l cian
- Le Vivane e la lavadora
- Madona de la neif
- Maria del cender
- Menar la pegna e le strie
- No ge vel ge dar fe dut a le fémene
- Numez
- Saiuch
- Se vel baratar la ciampana grana co chela da Busan
- Sènt Nicolò
- Sènt'Uliana
- Sènt'Uliana dal milesetcent e nonantaset
- Sènt'Uljana e diàol (malan)
- Trasport di termegn
- Vendeta de na stria (de Rossi)
Test
Amò valch de i draghes
I draghes vivea te Lach de Antermoa e te Lach de Boé. I stajea ju, fon fon te l'aga, e canche i se begaa, i bugolaa che parea che tonasse. Nesciugn pel dir coche i à vardà fora, parché i stajea ju n fon de l'aga, e apena che i era te l'aria i era fech e fiama. Se i fossa resté n pez te l'aria i se aessa brujà desche n toch de legn.
Nesc veies, iaves e besaves i contaa, che i li à vedui te na not scura e scurenta. I vegnìa fora dal lach, n grumen de fech roan co na couda roenta, che vegnìa semper piu scura. L ciel era lumenous e te la valada l'era più chiar che de dì. Se aessa podù nfilzar n fil te na voia. Rué te Lach de Antermoa, i sutaa te aga, che boìa e fajea n revedoz, che duta la val sdrenaa. Nesciugn no se fidaa restar de not apede un de chisc laghes, parché i draghes tiraa ite co la couda l bestiam e valch outa ence jent, e i li magnaa.
I conta, che apede l'aga vivea n pìcol omenet, che de not ge paraa l bestiam davejin, che i draghes podea sorì ciaparli co la couda. Canche i draghes sgolaa stroz l'era n rie segn. O che vegnìa te chel an le aghe o na gran tempesta, o na morìa o n'autra desgrazia. Se sà che la jent era spaventada apena che se lasciaa veder n drach.
Wikisource
Wikidata
Liams
Notes
- ↑ Walter Belardi "Profilo storico-politico della lingua e letteratura ladina" Roma, 1994