Crujades

Articul por Ladin Val Badia

Na batalia tratan na crujada

Le crujades ê veres religioses metüdes a jí dala Dlijia catolica danter l’ XI y le XIII seco do C. por concuisté la Tera Santa y la delibré dal domëne dl Islam. Al é ince gnü a se le dé crujades ti raiuns dla Turchia d’aldedaincö, tla Tunisia y tl Egit. La definiziun crujades vëgn ince tuta por d’atres aziuns metüdes a jí dala Dlijia Catolica cuntra le paganesim y movimënc eretics. La pröma crujada (1095-1099) é gnüda invocada dl 1095 dal papa Urban I por ti pité aiüt militar al Imper bizantin cuntra i türcs por ti garantí ai pelegrins cristiagn l’azes ala Tera Santa. Al é insciö gnü metü sö i pröms cater stac crujá -la Contea de Edessa, le Prinizipat d’Antiochia, le Rëgn de Ierusalem y la Contea de Tripol. Ales crujades tolô pert orentars de düc i liví soziai che ciafâ por süa partezipaziun indulgënzes mo ince vantaji economics. Al é sté deplü crujades, mo la concuista dla Tera Santa ne é nia gnüda a se le dé.