Cuca

Articul per Ladin Gherdëina

L jëuf de Cuca y Pic d'inviern udù da Curona ju.

Cuca ie n jëuf, n ëur y na mont sun Mastlé danter i chemuns de Urtijëi y Santa Cristina y danter la montes de Pic y Secëda.

Sun Cuca ruova na vedla streda dala Locia dl Pëne su passan per la Ëutes de Cuca y per l Gran Punton dala pert de Urtijëi. Dala pert de Santa Cristina rua la Streda de Ianesc y Pertëut y la Streda de Cuca. Sota Cuca ie da udëi a urient l Lech Sant. A nord va la Mont de Mastlé inant cun l Col da la Marënda y la Rives de Curona. Cuca Dessëura ie n medel cun pra da mont che da n valgun ani ie na utia da dé ora tlameda Curona. A sud de Cuca ie la Cansla dla Ciarità y Pic. Sota Cuca dl viëres de Urtijëi nasc dai Crëps da Salim l Ruf da Salim che tres la Val de Cuca y la Val da Ravison ruva tl Ruf de Sciadules sota Nudrëi.

Troies

Crëp sëura l Gran Punton sota l Jëuf de Cuca cun Madona de Flavio Pancheri.

Sun Cuca ruva i troies N. 2a y 2 dal Pëne su, N. 6a, Troi di Tuei, da Plan da Roles via, N. 20 da Sëurasas, N. 6 da Pic ju. Tres Cuca passa da n valgun ani l purtoi dai schi La Longia.

Sun Cuca ruva n schilift, metù a jì l ann 1967 y che ie śën desmetù.

Cianties, poejies y cuntedes

Cuca ie suënz numineda tla cianties y poejies de Gherdëina sciche na bela mont che n vëiga da dlonch.

• T.P. (Ujep Antone Perathoner‎): La val de Gherdëina Calënder de Gherdëina 2013 pl. 45 La Val de Gherdëina sun Wikisource.
• Leo Runggaldier La cajarina de Cuca. Stories y Cianties per chëi de Gherdëina 1921.

I spirc de Cuca. Ballada de Leo Runggaldier lieta dant da ël nstëss.

• Leo Runggaldier: I spirc de Cuca. Ballada 1951 Nos Ladins 15 de agost 1951 y 15de setëmber 1963.
• Zenz Demetz da Fëur: La Mosules de Cuca 1970.
• Sofia Stuflesser: La ciantia “Gherdëina Gherdëina” de Leo Runggaldier da Furdenan. Calënder de Gherdëina 2019, pl. 113-116.

• 
  Cuca y la Cansla dla Ciarità.
• 
  Ududa de Mastlé ora de Cuca.

Chertes topografiches

• Josef Kostner, Gilo Prugger: Planta danter i ruves de Cuecenes y Ncisles. Calënder de Gherdëina 1967, pl. 93.
• Chemun de Santa Cristina - cherta topografica y cherta ortofoto cun i toponims ladins. Istitut Ladin Micurá de Rü 2005, ISBN 88 8171 064 1.
• Chertes ortofoto cun i toponims ladins. Chemun de Urtijëi. Sureghes, Runcadic, Bula, Mont Sëuc. Istitut Ladin Micurá de Rü 2017, ISBN 978-88-8171-126-0.