Nation building
El nation building (espression inglesa che la gh'ha el significaa de costruzion de la nazion) l'è la costruzion o la definizion ciara de 'n identità nazional, fada tipicament de 'n Stat o de on moviment independentista, per i nazion senza stat.
Fonzionament
Tipicament i Stat sovran doperen la coscrizion e la propaganda in di scoeur, despess cont on'unificazion lenguistega; inveci i moviment independentista tenden pussee a standardizzà l'identità che la gh'è, segond i canoni che gh'è al moment, come la Lega Nord che l'ha doperaa 'me eroe nazional padan l'Albert de Giussan o i partii catalanista che fonden l'ideal de lotta per la libertà in su la Guerra dels Segadors.
Esempi
El nation building el consist, in pratega, in del creà o stabilizzà 'n identità, cont el trovà 'na bandera nazionala, on inn nazional, ona festa nazionala, di mit nazionai o anca di element pussee banai 'me el stadi nazional o la compagnia aerea de bandera.
On esempi de nation-building recent faa de on Stat l'è l'istituzion de la Festa Nazionala Svizzera, fondada in su 'n fatt real, e scernuda perchè la Svizzera l'era vun di pocch Stat senza la soa festa.