Stefano Parisi
Stefano Parisi | |
---|---|
![]() | |
Consiliee Regional del Lazio | |
Ol durar del mandad | 4 de marz 2018 – 17 de dicember 2020 |
Grup parlamentar |
Energie per l'Italia |
Coalizion | FI+LN+FdI+NcI+EpI |
Tipo de nomina | Primm minga elegiuu |
![]() | |
Ol durar del mandad | 21 de giugn 2016 – 17 de dicember 2020 |
Grup parlamentar |
Parisi Stefano |
Tipo de nomina | Primm minga elegiuu |
Informazion jenerale | |
Partid politeg | Energie per l'Italia |
Tendenza politega | Liberalism classich |
Titol de studi | Laurea in Economia e Commercc. |
Universitaa | Università La Sapienza |
Profession | Manager |
El Stefano Parisi (Roma, 12 de november del 1956) l'è on dirigent d'impresa e politegh italian.
Biografia
[Modifega | modifica 'l sorgent]Studi
[Modifega | modifica 'l sorgent]Laureaa a la Sapienza in Economia e Commercc, el sò primm lavorà l'è per i studi de la CGIL, lavorà derivaa de la soa tendenza socialista.
Lavorà governativ
[Modifega | modifica 'l sorgent]In del 1984, a manch de 30 agn, el deventa capo de la segreteria tecnega del Ministeri di Finanz finna al 1988, per passà a la Vicepresidenza del Consili di Minister longh el Governo De Mita, roeul bandonaa in del 1989 per lavorà al Ministeri de l'Ester, guidaa del socialista Gianni De Michelis, finna al 1991.
Dal 1992 al 1994 a l'è Càpo del Dipartiment di Affar Economegh per la Presidenza, in del 1996 a l'è nominaa Segretari General del Ministeri di Pòst e di Telecomunicazion, in del moment stòrich di privatizzazion e de la vertura del mercaa italian de la telefonia.
Semper in del 1994 'l entra in del Collegi Sindacal de la RAI, in del 1996 a l'è inveci Càpo del Dipartiment de l'Informazion e de l'Editoria.
Milan
[Modifega | modifica 'l sorgent]In del 1997 el lassa el lavorà per el governo e 'l fa San Martin a Milan, indova l'è scernuu del sindegh Gabriel Albertini 'me "City Manager" de la capital lombarda, ossia el Dirigent Principàl, cont l'obietiv de resollevà Milan dopo del scandol Tangentopoli.
L'imprenditoria
[Modifega | modifica 'l sorgent]Lassa el lavorà per el Comun de Milan in del 2000 per deventà Direttor General de la Confindustria longh la presidenza de l'Antonio D'Amato.
L'è nominaa Amministrador Delegaa de Fastweb in del 2004 e 'l se occupa de la soa espansion a nivell italian, e 'l resta AD anca dopo la cession, in del 2007, a la Swisscom. El se dimett in del 2010 dòpo avè ricevuu on avvis de garanzia per la frod fiscala internazionala del Silvio Scaglia, president de Fastweb: A l'è successivament assolt cont formula piena in del 2013. L'ann prima a l'éra deventaa President de Assotelecomunicazioni-Asstel, presidenza mollada dòpo de l'avvis.
A l'è squasi subit nominaa Senior Advisory per l'Italia de la Royal Bank of Scotland, roeul lassaa in del 2012 per guidà Chili Tv, azienda de film in streaming.
Attività politica
[Modifega | modifica 'l sorgent]Gioventura
[Modifega | modifica 'l sorgent]Militant socialista in gioventura, a l'era vicepresident del Nucleo Socialista Universitari de la soa Università, per poeu sortì de la politica, anca se 'l resta attiv in di sindacaa.
Candidatura a Milan
[Modifega | modifica 'l sorgent]In del 2016 a l'è scernuu del center-destra 'me candidaa ai elezion de Milan del 5 de magg del 2016, indova l'è staa sostegnuu da Forza Italia, Lega Nord, Partito Pensionati, Italia Popolare e da la soa lista civega, el riva segond despoeu el Giusepp Sala, cont on scart de manch l'1% de vot.
Al ballottagg l'ha perduu, e donca l'è entraa in del consili comunal 'me primm minga elegiuu.
El retorn in politega
[Modifega | modifica 'l sorgent]Dopo l'ha provaa a lanciàss in politega insemma al Silvio Berlusconi per Forza Italia, e l'ha dii el sò no al Referendum Costituzional del 2016, in favor de 'na riforma che la consideri pussee i autonomij local, la scassi el Senad de la Republica e fada de 'n Assemblea Costituenta.
El rappòrt cont el Berlusconi el finiss a november 2016 per la differenza de vision in su l'importanza de la Lega in coalizion, dònca el 1 de april del 2017 l'ha presentaa offizialment a Roma el sò moviment Energie per l'Italia e 'l s'è s'ceraa per el sì al referendum per l'autonomia de la Lombardia.
A l'è candidaa ai elezion regionai del Lazio del 2018 cont el center-destra. El riva segond dòpo del Nicola Zingaretti e l'è elegiuu Consiliee Regional. El scerniss de restà anca al Consili Comunal de Milan.
El 17 de dicember 2020 el nonzia de retiràss de la vita politega e 'l se dimet del consili regional lazial.
Vos corelaa
[Modifega | modifica 'l sorgent]Riferiment
[Modifega | modifica 'l sorgent]- Chi è Stefano Parisi, candidato del centrodestra a sindaco di Milano
- Centrodestra. Parisi "sì al referendum sull'autonomia lombarda" E chiama a raccolta i responsabili regionali di EPI
- Chi c’era alla convention di Stefano Parisi (Energie per l’Italia). Tutte le foto
- Stefano Parisi sarà il candidato del centrodestra alla presidenza del Lazio
- Biografia Stefano Parisi
- Referendum, Berlusconi licenzia Stefano Parisi con giusta causa: "Non si può rompere con la Lega per lui"
- Stefano Parisi
- Ecco la composizione del nuovo Consiglio regionale
- Milano: Salvini lascia il consiglio comunale, Sardone e Parisi restano
- Parisi lascia la regione Lazio: "Torno al mio lavoro"