Checkpoint Charlie
![]() |
Quest articol chì l'è scrivud in lombard, con la Noeuva Ortografia Lombarda |
![](https://upload.wikimedia.org/wikipedia/commons/thumb/7/75/Berlin_-_Checkpoint_Charlie_1963.jpg/220px-Berlin_-_Checkpoint_Charlie_1963.jpg)
El Checkpoint Charlie a l'è stad un post de bloch sit al confin in tra el setor american de Berlin Ovest e Berlin Est, in su la Friedrichstraße, vesin a l'incros con la Zimmerstraße: el conligava el quarter de Mitte con quell de Kreuzberg. A l'è stad fad su in l'avost del 1961 per via de la costruzzion del mur de Berlin, inscì de permetégh al trafegh militar e ai forester de podé rivà a Berlin Ovest, l'è stad sbatud sgiò con la reunificazzion todesca e la gabina americana l'è deventada 'n atrazzion de musee, cont una reproduzzion, visitada fiss di turista, al post de quella originala.
A l'era el terz post de bloch di Liad in Germania, de chi el nom (la "C" in l'abecee NATO l'è Charlie), dopo di checkpoint in su l'Autobahn Alpha e Bravo, che permeteven de rivà a Berlin de la Germania Ovest. De la banda ocidentala, a gh'era squasi nissuna costruzzion permanenta, menter de quella orientala a gh'era el mur, di barrere de passà a zig-zag, torr de guardia e un sit per controllà tucc quei che passaven: la reson l'era ligada al facc che per i Liad quell li a l'era minga un confin internazzional e donca l'era minga de tratà in quella manera.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Checkpoint Charlie