Fotografia
![](https://upload.wikimedia.org/wikipedia/commons/a/ac/Large_format_camera_lens.jpg)
![]() |
«Gh'è minga regoll per fà di bonn fotografij. Gh'è domà bonn fotografij.»
|
(Ansel Adams)
|
La Fotografia l'è la technega e l'art de creà immagin artificiai che hinn riproduzion esatt del mond real, travers la registrazion de la lus o di olter radiazion elettromagnetegh sora ona superfis fotosensibil, che la pò vess on sensor elettronegh come in de la fotografia digital ma anca ona lastra de veder o ona pellicola fotografega come in de la fotografia analogega. El fonzionament del process fotografegh l'è basaa in sul princippi de la camera scura.
El termin fotografia el vegn sù di paroll grech φωτός (photos, che 'l voeur di "lus") e γραφή (graphe che 'l voeur di "scrittura") cont el significaa de "scriver o disegnà cont la lus", e l'indica sia la technega per faa sù ij immagin sia l'immagin istessa vegnuda foeura dal procediment fotografegh; in quest ultem cas a l'è ciamada anca cont el nomm de somejanza o soeumeanza, soratùtt in lombard oriental.