UVB-76

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La UBV-76, o anca The Buzzer l'è ona stazion radio misteriosa che la trasmett in su la frequenza de 4625 kHzきろへるつ. La trasmett on ronzii, ripetuu 25 volt al minuu. In ona quaj occasion, el ronzii l'è staa sostituii da di messagg in russ.

El nom

L'è ciamada in russ жужжалка, el brusii, ma el rest del mond la ciama The Buzzer. La stazion la se indentificava 'me UBV-76 fin al settember 2010, per poeu cambià in MDZhB.

Messag vocai

In d'ona quaj occasion, el ronzii l'è staa sostituii da di messag a vos, con l'istess schema, numer e nom de persona. On quaj esempi:

Ai 21:00 UTC del 24 dicember del 1997: "Ya UVB-76, Ya UVB-76. 180 08 BROMAL 74 27 99 14. Boris, Roman, Olga, Mikhail, Anna, Larisa. 7 4 2 7 9 9 1 4."
Ai 04:18 UTC del 9 dicember del 2002: "UVB-76, UVB-76. 62 691 IZAFET 36 93 82 70."
Ai 07:57 UTC del 21 febrar del 2006: "UVB-76, UVB-76. 75-59-75-59. 39-52-53-58. 5-5-2-5. Konstantin-1-9-0-9-0-8-9-8-Tatiana-Oksana-Anna-Elena-Pavel-Schuka. Konstantin 8-4. 9-7-5-5-9-Tatiana. Anna Larisa Uliyana-9-4-1-4-3-4-8."

El 5 de genar del 2010 la stazion l'è stada smorzada per on dì, e 'l 23 de agonst ai or 13:35 UTC l'è partii on messagg:

"UVB-76, UVB-76. 93 882 NAIMINA 74 14 35 74"

Du dì despoeu, ai or 7:13, s'hinn sentuu di rumor de sottofond, 'me se ghe fodess on micrfon lassaa pisà per error.

Trasmission stran

In de la storia de la stazion, gh'hinn staa di trasmission mia normai, per esempi, el 3 november del 2002, gh'è staa: "Я — 143. Не получаю генератор." "Идёт такая работа от аппаратной." ("Mi son 143. Ricevom mia el generator (oscillator)." "Quella roba la vegn da la stanza hardware.")

In del 1 de settember del 2010 gh'è staa on tocch de musega classega, dol Pëtr Il'ič Čajkovskij e quater dì despoeu ona vos ha contaa da 1 a 9 in russ.

A che 'l serviss?

Gh'è nissuna informazion offiziala che la parla del funzionament de la stazion, se pensa che l'è on sistema de comunicazion militara, che la vegn tenuda semper ocupada per podè trasmett semper.

Vos corelaa