Fiteny indô-eorôpeanina
![](https://upload.wikimedia.org/wikipedia/commons/thumb/e/eb/Indo-European_branches_map.svg/376px-Indo-European_branches_map.svg.png)
Ny fiteny indô-eorôpeanina dia fianakaviam-piteny ivondronan' ny fiteny maro any Eorôpa sy any India ary any Iràna sy ny manodidina, tenenina eran' izao tontolo izao. Misy 1 000 eo ny isan' ny fiteny ao amin' io fianakaviam-piteny io. Fianakaviam-piteny tenenina maneran-tany ny maro amin' izy ireo, izay ahitana ny fiteny albaney, ny fiteny armeniana, ny vondrom-piteny baltô-slava, keltika, jermanika, helenika, indô-iraniana, italika (anisan' izany ireo fiteny rômana), ary vondrom-piteny maty roa, dia ny vondrom-piteny anatôliana (anisan' izany ny fiteny hitita) sy ny vondrom-piteny tôkariana. Ankehitriny dia misy 6 tapitrisa ny olona miteny indô-eorôpeanina.
![](https://upload.wikimedia.org/wikipedia/commons/thumb/4/4f/IndoEuropeanTree.svg/300px-IndoEuropeanTree.svg.png)
Vondrona ao amin' ny fianakaviam-piteny indô-eorôpeana
[hanova | hanova ny fango]Ny vondrom-piteny anatôliana
[hanova | hanova ny fango]Ny vondrom-piteny anatôliana dia ahitana ireo fiteny maty notenenina tao Anatôlia tamin' ny Andro Taloha toy ny fiteny hitita, fiteny lovita, fiteny palaita, fiteny lidiana, fiteny likiana, fiteny miliana, fiteny kariana, fiteny sidetika ary ny fiteny pisidiana.
Ny vondrom-piteny tôkariana
[hanova | hanova ny fango]Ny vondrom-piteny tôkariana na agni-kotsy dia ahitana ny fiteny maty telo, dia ny fiteny agneana sy ny fiteny kotseana ary ny fiteny kroraniana, izay notetenina tao amin' ny lemak' i Tarima tamin' ny taonarivo voalohany taor. J.K., ao atsimon' ny faritra mizakatenan' i Xinjiang any Sina.
Ny vondrom-piteny baltô-slava
[hanova | hanova ny fango]Ny vondrom-piteny baltô-slava dia misampana roa, ka ahitana ny fiteny balta sy ny fiteny slava.
- Fiteny balta (fiteny litoaniana, fiteny letôna (na letviana), fiteny korôniana, fiteny selôniana, fiteny semigaliana, fiteny prosiana taloha, fiteny skalviana, fiteny sodôviana).
- Fiteny slava (fiteny rosiana, fiteny belarosiana, fiteny rosina (na rotena), fiteny okrainiana, fiteny tseka, fiteny slôvàka, fiteny sôraba, fiteny pôlôney, fiteny kasoba, fiteny pôlaba, fiteny slôvinka, fiteny silesiana, fiteny serbô-krôatiana (ahitana ny fiteny krôatiana sy ny fiteny bôsniana, ny fiteny môntenegrina ary ny fiteny serba), fiteny bolgariana, fiteny makedôniana, fiteny slôvena).
Ny vondrom-piteny keltika
[hanova | hanova ny fango]Ny vondrom-piteny keltika na seltika dia misampana roa, ka ahitana ny fiteny keltika an-tanibe sy ny fiteny keltika a-nosy (ny fiteny gaelika sy ny fiteny britônika).
- Fiteny keltika an-tanibe: fiteny gaoloà, fiteny lepôntika, fiteny keltibera, fiteny galatiana (na galata), fiteny norika,
- Fiteny gaelika: fiteny ekôsey, fiteny irlandey, fiteny gaelga),
- Fiteny britônika: fiteny galoà na kimrika, fiteny kôrnika, fiteny bretôna, fiteny kambriana ary fiteny pikta.
Ny vondrom-piteny jermanika
[hanova | hanova ny fango]Ny vondrom-piteny jermanika dia misampana telo, ka ahitana ny fiteny jermanika atsinanana (fiteny maty) sy ny fiteny jermanika avaratra ary ny fiteny jermanika andrefana.
- Fiteny jermanika atsinanana: fiteny gôtika sy fiteny jermanika maro hafa izay tsy misy mpiteny intsony (fiteny maty).
- Fiteny jermanika avaratra atao hoe fiteny skandinaviana: fiteny islandey, fiteny nôrveziana, fiteny ferôiana, ny fiteny danoà, ny fiteny soedoà.
- Fiteny jermanika andrefana: ny fiteny anglisy, ny fiteny frisôna, ny fiteny neerlandey, ny fiteny alemàna, ny fiteny afrikansa ny fiteny idisy.
Ny vondrom-piteny helenika
[hanova | hanova ny fango]Ny vondrom-piteny helenika dia ahitana ny fiteny mikeniana, ny fiteny arkadiana, ny fiteny kipriôta, ny fiteny pamfiliana, ny fiteny grika taloha, ny fiteny grika kôine, ny fiteny grika vaovao, ny fiteny iôniana, ny fiteny beôtiana, ny fiteny lesbiana, ny fiteny tesaliana, ny fiteny makedôniana taloha, ny fiteny dôriana, ny fiteny eleana, ny fiteny etôliana, ny fiteny lôkriana ary ny fiteny fôkidiana.
Ny vondrom-piteny indô-iraniana
[hanova | hanova ny fango]Ny vondrom-piteny indô-iraniana dia ahitana ny fiteny iraniana (na iranika) sy ny fiteny indô-ariana ary ny fiteny noristany.
- Fiteny iranika: anisan' izy ireo ny fiteny avestika, ny fiteny persiana taloha, ny fiteny iraniana antenatenany, ny fiteny persana vaovao, ny fiteny pastô (ao Afganistàna), ny fiteny kiorda, ny fiteny balotsy, ny fiteny skitiana, ny fiteny sarmatiana ary ny fiteny ôsetiana.
- Fiteny indô-ariana: isan' ireo ny fiteny sanskrita, ny fiteny prakrita maro, ny fiteny hindy, ny fiteny ordo, ny fiteny bengaly, ny fiteny gojaraty, ny fiteny indiana maro, ny fiteny nepaly, ny fiteny singaley, ny fiteny darda maroo (fiteny kasmiry, fiteny romany).
- Fiteny noristany: ny fiteny askona, ny fiteny kamviry, ny fiteny katy, ny fiteny prasona, ny fiteny tregamy ary ny fiteny oaigaly.
Ny vondrom-piteny italika
[hanova | hanova ny fango]Mizara ho sampana telo ny vondrom-piteny italika, dia ny fiteny latiniana (na latinô-faliska) sy ny fiteny ôsko-ômbriana.
- Fiteny latiniana na latinô-faliska, izay ahitana ny fiteny latina, ny fiteny faliska, ny fiteny rômana maro (fiteny sarda, fiteny romaniana, fiteny dalmatika, fiteny italiana, fiteny espaniôla, fiteny ladinô, fiteny pôrtogey, fiteny frantsay, fiteny ôksitana, fiteny katalana, fiteny rômantsa, fiteny ladîna, fiteny friolana), sns.
- Fiteny ôskô-ômbriana, izay ahitana fiteny tsy misy mampiasa intsony (fiteny maty), dia ny fiteny ôska sy ny fiteny ômbriana ary fiteny maro hafa koa.
Ny fiteny albaney sy ny fiteny armeniana
[hanova | hanova ny fango]Fiteny manirery ny fiteny albaney sy ny fiteny armeniana ao amin' ny fianakaviam-piteny indô-eorôpeana.
Jereo koa
[hanova | hanova ny fango]Fianakaviam-piteny lehibe
[hanova | hanova ny fango]- Fianakaviam-piteny afrô-aziatika
- Fianakaviam-piteny nizerô-kôngôley
- Fianakaviam-piteny nilô-sahariana
- Fianakaviam-piteny indô-eorôpeana
- Fianakaviam-piteny oraliana
- Fianakaviam-piteny dravidiana
- Fianakaviam-piteny sinô-tibetana
- Fianakaviam-piteny aostrôaziatika
- Fianakaviam-piteny aostrôneziana
- Fianakaviam-piteny hmông-miena
- Fianakaviam-piteny tay-kaday
- Fianakaviam-piteny japônika
- Fianakaviam-piteny na-dene
- Fianakaviam-piteny eskimô-aleota