Викитеке
![Wikisource логотип](https://upload.wikimedia.org/wikipedia/commons/thumb/4/4c/Wikisource-logo.svg/150px-Wikisource-logo.svg.png)
Виките́ке (англичанла Wikisource) — эрыкан книгагудо — «Викимедиа» коммерцдыме фондын проектше. Яра шарлыше, тӱрлӧ йылме дене возалтше текст-влакым ик вере погашлан негызлалтын. Проект шке пашажым 20 Пеледыш 2003 ийыште тӱҥалын. http://www.wikisource.org интернет-адрес дене верланен. Сервер-влак Майами олаште верланеныт. «Викитеке» мут мучаш «библиотека» мутын мучашыжым налын; савыкталтше книга, журнал, газет-влакым арален кодымо вер семын Викитекым аклаш лиеш.
Правам аралымаш
[тӧрлаташ | кодым тӧрлаташ]- Тӱҥ статья (рушла): Викитека: Авторские права
Кеч-могай возымашым Викитекыш вераҥдаш огеш лий. США-се да Флорида сайтысе тӧртык-влак почеш тиде текстым кеч кӧ кучылт кертшаш, тыгакак Россий Федерацийысе тӧртык-влак почеш нине текст-влак эрыкан лийшаш улыт. Автор-права шотышто Викитеке шке тӱткын эскера.
Мом Викитекыште савыктыман
[тӧрлаташ | кодым тӧрлаташ]- Автор-влак ончыч шке текстыштым савыктеныт гын веле. Викитекыште тыршыше-влакын возымыштым Викитекышке савыктыман огыл.
- Оригинал текст гыч кусарымашым. Кусарыше семын Викитекыште тыршыше-влакат лийын кертыт.
- Уло калык кӱкшытан але кугыжаныш кӱкшытан историй документ-влакым
- Викитекыште савыктыме автор-влакын произведений спискыштым.
Тыгак, тиддеч ончыч савыктыме публикаций гыч иктаж-могай ужашым савыкташ лиеш:
- Математик данныйым, формулым, таблицым.
- Программе-влакын тӱҥалтыш кодшым.
- Статистик иктешлымашым (сайлымаш иктешлымашым, мутлан).
Марий Викитеке
[тӧрлаташ | кодым тӧрлаташ]Марла возымо икымше текстым Викитекышке 2013 ий тӱҥалтышыште савыктыме. Тиде Чавайнын «Ото» почеламутшо лийын. http://www.wikisource.org порталыште марий йылме дене 0 лаштык уло. Но ик лаштык - кажне гана ик произведенийлан ок шотлалт. Кужу произведений-влакым, мутлан, Чавайнын «Элнет» романжым икмыняр ужашлан шелме. Кажне ужаш - посна лаштыкыште. Тыге лудашат йӧнанрак, савыкташат куштылгырак. Марий Викитекыште текст-влакым вераҥдыме годым кажне текстшым «Meadow Mari» категорийыш пуртыман.
![]() |
Викитеке Викитекыште? |
---|---|
![]() |
Викитеке Викиклатыште? |
![]() |
? | Мета-викиште