Dewan Perwakilan Rakyat Republik Indonesia
Dewan Perwakilan Rakyat Republik Indonesia (DPR RI), umumnyo disabuik Dewan Perwakilan Rakyat (DPR) sajo, adolah salah satu limbago tinggi nagara dalam sistem katatanagaraan Indonesia, nan marupokan limbago pawakilan rakyaik tingkek nasional. DPR tadiri dari anggota partai pulitik nan sato dalam pamiliahan umum jo tapiliah malalui pamiliahan umum tasabuik. Basamo-samo jo Dewan Perwakilan Daerah (DPD), kaduonyo mambantuak Majelis Permusyawaratan Rakyat (MPR), nan marupoan limbago legislatif nasional di Indonesia.
Anggota DPR dipiliah malalui pamiliahan umum satiok limo taun sakali. Kini ko, tadapek 575 urang anggota; nan maningkek dibandiangkan jumlah sabalunnyo (560 urang) pado pamiliahan taun 2019.[1][2] Anggotanyo acok disabuik sabagai Anggota DPR, Anggota Dewan, atau Anggota Parlemen.[3][4]
- ↑ Sekretariat Jenderal DPR RI (2015)
- ↑ Yulisman (2019)
- ↑ "Members of Parliament". House of Representatives of the Republic of Indonesia. Diakses tanggal 20 July 2023.
- ↑ "Parlemen". @2023 Indonesia.go.id. All rights reserved.