Mahmoed Joenoes
Mahmud Yunus | |
---|---|
![]() | |
Lahia | 10 Februari 1899 |
Maningga | Januari 16, 1982 |
Kawarganagaraan | ![]() |
Dikana dek | Ahli pendidikan Islam, ahli tafsir al-Qur'an |
Urang tuo | Yunus (ayah) Hafsyah (ibu) |
Prof. DR. H. Mahmud Yunus (ejaan lamo: Mahmoed Joenoes, lahia di Sungayang, Tanah Datar, Minangkabau, 10 Februari 1899 – maningga di Jakarta, 16 Januari 1982 pado umua 82 taun) adolah ulama Indonesia. Inyo malewatkan wakatunyo sabagai pandidik jo pangajar. Inyo tanamo pulo malalui karya-karyanyo paliang saketek 75 judul buku, tamasuak manyusun Tafsir Qur'an Karim jo kamus Arab-Indonesia. Malalui jabatannyo di Departemen Agama, inyo manginisiasi jo mampajuangkan masuaknyo mato palajaran pandidikan agamo dalam kurikulum nasional. Buku-bukunyo masih dipagunokan untuak kaparaluan pangajaran madrasah jo pesantren Indonesia. Yunus manarimo gala doktor kahormatan di bidang tarbiyah dari IAIN Syarif Hidayatullah, Jakarta jo namanyo disamekkan untuak jalan manuju kampus IAIN Imam Bonjol, Padang.
Yunus mamulai pangalaman mangaja sajak remaja di surau jo Madras School, tampek dulunyo inyo mangikuti pandidikan. Inyo bagabuang jo Pasatuan Guru Agama Islam (PGAI) nan nantinyo mambidani babarapo sakolah Islam jo paguruan tinggi Islam paliamg partamo di Indonesia. Pado tahun 1923, baliau maambiak kuliah di Kairo, Mesir kamudian baliak ka kampuang halamannyo pado tahun 1931. Malalui Madras School, inyo mampakenalkan pajenjangan madrasah nan dipakai Indonesia kini ko. Pado tahun 1932, inyo mancurahkan wakatu mangajarnyo di Padang, mambuka Normal Islam School, sarato mamimpin Sekolah Tinggi Islam (STI) Padang.
Sajak pandudukan Japang, Yunus bakarajo dalam pamarintahan mambidangi masalah pandidikan Islam. Sasudah pandidikan Islam masuak dalam kurikulum di Minangkabau, sairing kamerdekaan Yunus manaruihkan usulannyo mamasukkan mato palajaran pandidikan agamo di sakolah pamarintah untuak dibalakukan di Sumatra hinggo disatujui pado tahun 1947. Barikuiknyo, mato palajaran agamo diadopsi dalam kurikulum nasional sajak 20 Juanuari 1951 lawat usulannyo sabagai pagawai Departemen Agamo. Pado 1 Juni 1957, Yunus manjabaik sabagai rektor partamo Akademi Dinas Ilmu Agama (ADIA) di Jakarta nan ditaruihkan manjadi UIN Syarif Hidayatullah. Jabatan tarakhianyo salamo manjadi pagawai Departemen Agamo adolah rektor partama IAIN Imam Bonjol sajak 1967 sampai 1970. Baliau maningga dalam umua 82 tahun pado tahun 16 Januari 1982.
Kahidupan awal
[suntiang | suntiang sumber]![](https://upload.wikimedia.org/wikipedia/commons/thumb/e/e3/COLLECTIE_TROPENMUSEUM_Moskee_TMnr_10016675.jpg/243px-COLLECTIE_TROPENMUSEUM_Moskee_TMnr_10016675.jpg)
Mahmud Yunus adolah anak suluang dari tujuah basaudara dalam kaluarga patani Yunus jo Hafsyah. Inyo lahia pado 10 Pebruari 1899 Kalender Hijriyah: 30 Ramadhan 1316 di Nagari Sungayang, bajarak 7 km dari Batusangka, Kabupaten Tanah Datar kini. Inyo tumbuah gadang di tangah kaluarga ibunyo, Yunus alah mampaliekkan minat ka ilmu agamo sajak ketek. Urangtuonyo bacarai katiko inyo baumua tigo tahun, samantaro ibunyo manikah baliak jo maagiah Yunus sorang adiak padusi.[1] Inyo baraja Al-Qur'an di Surau Talang kapado kakeknyo jo khatam katiko umua tujuah tahun.[2] Setelah itu, ia menggantikan kakeknya mengajar di surau. Pada tahun 1908, ia masuk ke sebuah Sekolah Desa di Sungayang. Karena jemu dengan pelajaran yang sering diulang di kelas, pada tahun keempat ia pindah ke Madras School pimpinan Muhammad Thaib Umar di Surau Tanjung Pauh.[3] Ia belajar setiap hari dari pagi sampai siang. Namun, ia menarik diri dari mengajar di surau ketika berumur 12 tahun, dan pada umur 14 tahun ia dipercaya menjadi mudir (guru bantu) di Madras School.
Pado tahun 1917, katiko Muhammad Thaib Umar jatuah sakik, Yunus ditunjuak untuak mamimpin Madras School. Katiko balangsuang rapek gadang ulama Minangkabau pado tahun 1919 di Surau Jambatan Basi, Padang Panjang, baliau tibo mawakili Muhammad Thaib Umar. Rapek ko maresmikan badirinyo Pasatuan Guru Agamo Islam (PGAI), pakumpulan ulamo nan bagerak di bidang pandidikan.[lower-alpha 2] Yunus manjadi anggota paliang partamo PGAI sajak didirikan.[5] Pado akhia tahun 1919, Yunus basamo-samo jo guru Madras School mandirikan cabang pakumpulan palajar Islam Sumatra Thawalib di Sungayang.[6] Inyo mambangkikan kagiatan di bidang pandidikan malalui majalah Islam Al-Basyir.[7] Majalah ko abik partamo sakalu pado bulan Februari 1920 di bawah asuhan Yunus.[8][9]
Sajak inyo mangenal pamikiran Muhammad Abduh jo Rasyid Ridha lewat majalah Al-Manar, muncua kainginan Yunus untuak baraja ka Mesir.[10] Walaupun sempat tahambek karano indak mamparoleh visa dari Inggirih pado tahun 1920, inyo akhianyo dapek barangkek lewat Penang, Malaysia pado bulan Maret 1923. Inyo mangurus visa basamo jo mamaknyo, Datuk Sinaro Sati di Padang. Biaya nan diparalukan salamo pajalanan ditangguang dek mamaknyo.[11]
Managakan sakolah-sakolah Islam
[suntiang | suntiang sumber]Sabalun ka Mesir, inyo labiah dulu manunaian ibadah haji di Mekkah. Usai malaksanoan haji, Yunus pai ka Kairo dan mandaftar sabagai mahasiswa di Universitas Al-Azhar. Inyo maabihan ciek tahun untuak mamparoleh ijazah Syahadah Alimiyah (sataro jo magister).[8] Inyo tacataik sabagai urang Indonesia kaduo nan lulus di Al-Azhar sasudah Janan Thaib. Mangikuti saran gurunyo di Al-Azhar, inyo manyambuang kuliah ka Darul Ulum (kini barado dalam Universitas Kairo). Inyo ditarimo sabagai mahasiswa di kelas bagian malam; sadoalah mahasiswanyo bakebangsaan Mesir kacuali inyo surang. Salamo di Darul Ulum, inyo mandapekan pangacualian mambayia pitih kuliah atas amaran Menteri Pendidikan Mesir. Inyo lulus sasudah ampek tahun di Darul Ulum dan mamparoleh diploma guru di bidang ilmu kapendidikan pado Mei 1930.[12] Yunus adolah mahasiswa asiang patamo nan tamaik dari Darul Ulum.[13] Pado bulan Oktober 1930, inyo basiap baliak ka Indonesia.
Tibo di kampuang halamannyo pado awal tahun 1931, Yunus mulai mamusekan parhatian pado paningkatan mutu sakolah-sakolah agamo.[14] Tahun-tahun patamo, inyo mampabarui Madras School di Sungayang dengan manerapkan sistem klasikal sabagaimano lazimnyo sakolah-sakolah pamarentah. Lewat Madras School, inyo mangenalkan pambagian janjang madrasah nan dikenal di Indonesia maso kini: Madrasah Ibtidaiyah, Tsanawiyah, dan Aliyah.[15][16] Namun, sakolah iko tapaso ditutuik padotahun 1933, satahun sasudah pamarentah Hindia Belanda mangauaan kabijakan pembatasan sakolah Islam atau dikenal jo Ordonansi Sekolah Liar.
Pado tahun 1932, Yunus maninggaan Sungayang dan disibukan jo aktivitas maaja. Inyo mamimpin sakolah Normal Islam School (NIS) atau Kulliyyatul Muallimin Al-Islamiyyaah di Padang nan ditagakan PGAI pado 1 April 1931.[17] Sakolah iko marupoan sekolah lanjutan tingkek ateh nan dimukasuikan untuak mandidiak calon guru; murik nan ditarimo di sakolah iko adolah lulusan madrasah minimal tujuah tahun. Yunus maajabahaso Arab, mamasuakan mato palajaran agamo Islam ka dalam kurikulum, dan manambahan babarapo cabang pangatahuan umum takah ilimu alam, tata buku, jo kasehatan. Sabagian buku nan dipakai untuak kaperluan pengajaran adolah tulisannyo surang nan inyo susun sawaktu baraja di Mesir.[18] NIS mamiliki laboratorium fisika jo kimia satu-satunya di Sumatera Barat.[19] Inyo mamimpin NIS sampai tahun 1938 dan isuak kambali mamimpin pado tahun 1942 sampai 1946.[20]
Kaberhasilannyo manerapkan metode-metode baru dalam pandidikan madrasah mambuek inyo dipicayo mamimpin Sekolah Tinggi Islam (STI) di Padang pado 1 November 1940. Ditagakan dek PGAI pado 9 September 1940, STI tacataik sabagai perguruan tinggi Islam paliang patamo di Indonesia.[21][22] Pado 9 Desember 1940, STI mambuka duo fakultas: Fakultas Syariat jo Fakultas Pendidikan & Bahasa Arab. Namun, STI hanyo bajalan kurang duo tahun tanpa sempat manghasilan alumni. Parguruan tinggi iko tutuik pado 28 Januari 1942 manjalang pandudukan Japang di Sumatra Barat.
Karya
[suntiang | suntiang sumber]Sapanjang hiduiknyo, Yunus manulih labiah dari 75 judul buku. 49 judul buku ditulih dalam bahaso Indonesia dan 26 judul buku ditulih dalam bahaso Arab. Sabagian gadang buku-bukunyo maso kini masih dipagunoan untuak kaparaluan pangajaran madrasah jo perguruan tinggi. Kamus Arab-Indonesia nan inyo susun masih mudah didapekan hinggo kini. Babarapo judul bukunyo nan dijadian buku pagangan pandidikan agamo di antaronyo tigo jilid al-Fiqh al-Wadhih jo tigo jilid at-Tarbiyah wa at-Ta'lim.[23]
Rujuakan
[suntiang | suntiang sumber]- Katarangan
- ↑ Sistem pandidikan nan dipakai surau-surau yaitu tabuka, duduak baselo mangitari guru, indak ado kelas, disalanggarokan pagi sampai siang, siang sampai sore, atau malam sasudah Maghrib sampai wakatu untuak lalok.
- ↑ PGAI didirikan pado tahun 1918 jo mandapek pangesahan dari otoritas Hindia Balando pado 7 Juli 1920.[4]
- Catatan kaki
- ↑ Ibrahim 2008, hlm. 9.
- ↑ Hashim 2010, hlm. 169.
- ↑ Hashim 2010, hlm. 170.
- ↑ Yunus 1979, hlm. 82.
- ↑ Daya 1990, hlm. 84.
- ↑ Nata 1990, hlm. 58.
- ↑ Daya 1990, hlm. 137.
- ↑ a b Abdullah 2009, hlm. 161.
- ↑ Saydam 2009, hlm. 161.
- ↑ Daya 1990, hlm. 28.
- ↑ Ibrahim 2008, hlm. 8.
- ↑ Nata 1995, hlm. 58.
- ↑ Abdullah 2009, hlm. 173.
- ↑ Kahin 2005, hlm. 122.
- ↑ Hashim 2010, hlm. 181.
- ↑ Abdullah 2009, hlm. 171.
- ↑ Riwayat Hidup... tt, hlm. 46.
- ↑ Abdullah 2009, hlm. 172.
- ↑ Saydam 2009, hlm. 162.
- ↑ Rina tt, hlm. 176.
- ↑ Hashim 2010, hlm. 283.
- ↑ Latif 2005, hlm. 243.
- ↑ Riwayat Hidup... tt, hlm. 22.
- Daftar pustaka
- Abdullah, Taufik (2009). Schools and Politics: The Kaum Muda Movement in West Sumatra (1927–1933). Equinox Publishing. ISBN 602-8397-50-4.
- Asy, Fauzan (2004). Perkembangan Pendidikan Islam di Nusantara. Angkasa. http://books.google.co.id/books?id=-G2dAAAAMAAJ&q=Perkembangan+Pendidikan+Islam+di+Nusantara&dq=Perkembangan+Pendidikan+Islam+di+Nusantara&hl=id&sa=X&ei=JonaUKO-BYLJrAfS2IHgDg&redir_esc=y.
- Hashim, Rosnani (2010) (dalam bahaso Inggris). Reclaiming the Conversation: Islamic Intellectual Tradition in the Malay Archipelago. The Other Press. ISBN 983-9541-74-9. http://books.google.co.id/books?id=gZUc2IzdaBUC&printsec=frontcover&dq=Reclaiming+the+Conversation:+Islamic+Intellectual+Tradition+in+the+Malay+Archipelago&hl=id&sa=X&ei=U4naUOuuNom8rAeTlICQBA&redir_esc=y.
- Saydam, Gouzali (2009). 55 Tokoh Indonesia Asal Minangkabau di Pentas Nasional. Bandung: Al Fabeta. http://books.google.co.id/books?printsec=frontcover&vid=ISBN9786028361415&redir_esc=y.
- Ibrahim, Amran (2008). Riwayat Hidup H. Ibrahim Dt. Sinaro Sati 1988–1964. Jakarta.
- Kahin, Audrey R. (2005). Dari Pemberontakan ke Integrasi: Sumatra Barat dan Politik Indonesia, 1926–1998. Yayasan Obor Indonesia. ISBN 979-461-519-6.
- Mohammad, Herry (2006). Tokoh-Tokoh Islam yang Berpengaruh Abad 20. Gema Insani. ISBN 979-560-219-5. http://books.google.co.id/books?id=s3dw1plnW5gC&printsec=frontcover&dq=Tokoh-Tokoh+Islam+yang+Berpengaruh+Abad+20.&hl=id&sa=X&ei=aonaUIW9Io2zrAfg0YGADg&redir_esc=y.
- Nata, Abuddin (2005). Tokoh-tokoh Pembaruan Pendidikan Islam di Indonesia. Raja Grafindo Persada. ISBN 979-3654-58-9. http://books.google.co.id/books?id=rGudAAAAMAAJ&q=Tokoh-tokoh+Pembaruan+Pendidikan+Islam+di+Indonesia.&dq=Tokoh-tokoh+Pembaruan+Pendidikan+Islam+di+Indonesia.&hl=id&sa=X&ei=cYnaUPSGK4nMrQfA94GoDA&redir_esc=y.
- Nata, Abuddin; Nasuhi, Hamid (2002). Membangun Pusat Keunggulan Studi Islam. Jakarta: IAIN Jakarta Press. ISBN 979-95829-3-8. http://books.google.co.id/books?id=XGidAAAAMAAJ&q=Membangun+Pusat+Keunggulan+Studi+Islam&dq=Membangun+Pusat+Keunggulan+Studi+Islam&hl=id&sa=X&ei=oInaUK2ZBsWtrAfjn4DQAQ&redir_esc=y.
- Ramayulis; Nizar, Samsul (2005). Ensiklopedi Tokoh Pendidikan Islam. Quantum Teaching. ISBN 979-97811-7-5. http://books.google.co.id/books?id=nU6_AAAACAAJ&dq=Ensiklopedi+Pendidikan+Islam&hl=id&sa=X&ei=TYXaUJGmO46GrAeExoCgDg&redir_esc=y.
- Yunus, Mahmud (1977). Pengembangan Pendidikan Islam di Indonesia. Jakarta: Hidakarya Agung. http://books.google.co.id/books?id=DRVxPQAACAAJ&dq=Mahmud+Yunus+Pengembangan+Pendidikan+Islam+di+Indonesia.&hl=id&sa=X&ei=9YnaUN-gLMTXrQfF3oHoDA&redir_esc=y.
- Yunus, Mahmud (tt). Riwayat Hidup Prof. Dr. H. Mahmud Yunus, 10 Februari 1899–16 Januari 1982. Hidakarya Agung. http://books.google.co.id/books?id=Sv8YAAAAMAAJ&q=Riwayat+Hidup+Prof.Dr.H.+Mahmud+Yunus&dq=Riwayat+Hidup+Prof.Dr.H.+Mahmud+Yunus&hl=id&sa=X&ei=MIbaUICbMZHjrAfh54DgAw&redir_esc=y.
- Yunus, Mahmud (1979). Sejarah Pendidikan Islam di Indonesia. Jakarta: Mutiara Sumber Widya.