Национална библиотека на Австралија
Национална библиотека на Австралија | |
---|---|
National Library of Australia | |
![]() | |
Податоци за органот | |
Основан | 1960 |
Претходник | Сојузна парламентарна библиотека |
Надлежност | Влада на Австралија |
Седиште | Канбера, Австралија |
Вработени | 479 (2010-11) |
Годишен буџет | 62,9 мил. дол. (2011-12) |
Раководител | Ен-Мари Швиртлих (генерален директор) |
Матичен орган | Министерство за правда |
Мрежно место | |
nla.gov.au |
![](https://upload.wikimedia.org/wikipedia/commons/thumb/a/a3/National_Library_at_Dusk.jpg/280px-National_Library_at_Dusk.jpg)
Национална библиотека на Австралија (англиски: National Library of Australia, скр. NLA) — најголема референтна библиотека во Австралија, со одговорности согласно пропишаното во Законот за национална библиотека (National Library Act) и има за цел да „чува и развива национална збирка на библиотечен материјал, вклучувајќи опширна збирка на материјали што се однесуваат на Австралија и австралискиот народ.“ Во 2012-2013 г, збирката опфаќала вкупно 6.496.772 единици, како и дополнителни 15.506 метри ракописи.[1]
Историја
[уреди | уреди извор]Во формална смисла, Националната библиотека на Австралија како таква е основана со закон во 1960 г., но работи како таква речиси од почетокот.
Библиотеката е основана во 1901 г. како „Сојузна парламентарна библиотека“ (Commonwealth Parliamentary Library) со цел да го опслужува новосоздадениот сојузен парламент на Австралија.
Денешната зграда на библиотеката е отворена во 1968 г. Дело е на архитектонското биро „Bunning and Madden“. Фоајето е поплочено со мермер и има витражи на Леонард Френч и три таписерии на Матје Матего.[2]
Збирки
[уреди | уреди извор]Во 2012-2013 г. библиотеката опфаќала 6.496.772 единици во збирки и уште 2.325.900 единици во одделот за ракописи.[1] Од особено национално значење е збирката „австралијана“ која се однесува на културното наследство на Австралија. Тука се претставени австралиски писатели, уредници и илустратори кои работат во Австралија или во странство.
Библиотечната збирка опфаќа материјали во секаков формат — од книги, стручна периодика, мрежни места и ракописи со слики, фотографии, карти, музички партитури, етнографски снимки, музички записи и разгледници, летоци и многу друго.[3]
Околу 92,1% од библиотечната збирка е каталогизирана[1] и пребарлива на семрежниот каталог.[4]
Библиотеката има дигитализирано преку 174.000 единици од збирката[5] и настојвуа да ги става на располагање на семрежјето, колку што е можно. Претставува светски предводник во техники на електронско архивирање,[6] и има семрежен архив на одбрани австралиски мрежни места наречен „Пандора“ (Pandora Archive).
Поврзано
[уреди | уреди извор]Наводи
[уреди | уреди извор]- ↑ 1,0 1,1 1,2 „Collection statistics | National Library of Australia“. Nla.gov.au. Архивирано од изворникот на 2019-03-31. Посетено на 2013-11-12.
- ↑ Sue Ebury (2008). The Many Lives of Kenneth Myer. The Miegunyah Press. стр. 319. ISBN 0-522-85546-6.
- ↑ „National Library of Australia - Our Collections“. nla.gov.au. Архивирано од изворникот на 2012-12-17. Посетено на 2012-08-03.
- ↑ „Catalogue Home | National Library of Australia“. nla.gov.au. Посетено на 2013-11-12.
- ↑ „National Library Facts and Figures“. nla.gov.au. Посетено на 2012-07-25.
- ↑ „NLA.gov.au“. NLA.gov.au. Посетено на 2012-05-30.
Надворешни врски
[уреди | уреди извор]![]() |
„Национална библиотека на Австралија“ на Ризницата ? |
![]() |
Википодатоци го има својството P409 за NLA-назнака (употреба) |
- Национална библиотека на Австралија
- Дела на македонски јазик Архивирано на 28 април 2015 г. во библиотечниот каталог
35°17′47″S 149°07′46″E / 35.296379° ЈГШ; 149.129448° ИГД
|