Христо Петрески

Христо Петрески
Македонски писател, сликар, новинар и директор на издавачка куќа
Државјанство	македонско
Образование	Економскиот факултет при Универзитетот „Св. Кирил и Методиј“ Скопје

Христо Петрески (4 февруари 1957, Крушево) — македонски писател, сликар, новинар и директор на издавачката куќа „Феникс“.

Животопис

Петрески е роден на 4 февруари 1957 година во Крушево. Дипломирал на Економскиот факултет при Универзитетот „Св. Кирил и Методиј“ во Скопје. Тој е основач е и директор на издавачката куќа „Феникс“ и Фондацијата „Македонија презент“ - Скопје.

Член е на Друштвото на писателите на Македонија од 1985 година.

Исто така, тој е еден од основачите на списанието „Стожер“ и на манифестацијата „Празник на липите“, а бил и главен и одговорен уредник на списанието „Книжевна академија“. Активно се занимава и со сликарство, учествувал на повеќе ликовни колонии и бил повеќепати изложуван.

Во периодот од 2022 до 2024-та бил и претседател на Друштвото на писателите на Македонија.

Творештво

Поетски книги за возрасни:

• "Огледало" ("Современост" - Скопје, 1979)
• "Вулканска потреба" ("Култура" - Скопје, 1981)
• "Разговор со ѕидовите" (Разговор са зидовима) ("Омладинска искра" - Сплит, 1981)
• "Во јагодата црв" (У јагоди црв) ("Студентски збор" - Скопје, 1982)
• "Врв" (Врх) ("Мисирков" - Битола, 1983)
• "Штит" ("Мисла" - Скопје, 1985)
• "Туѓо тело" (Туѓе тело) ("Македонска книга" - Скопје, 1990)
• "Патник на враќање" (Путник у повратку) ("Мацуо Башо" - Оџаци, 1991)
• "Забел" (Забел) (избор, "Мисла" - Скопје, 1991)
• "Камен јазик" (Камени језик) ("Феникс" - Скопје, 1996)
• "Стаклен клуч" (Стаклени кључ) ("Феникс" - Скопје, 2003).

Поетски книги за деца и млади:

• "Бонсаи" ("Детска радост" - Скопје, 1991)
• "Бел петел врн ветер" (Бели петао црни ветар) (брзозоборки, "Детска радост" - Скопје, 1992)

Проза за возрасни:

• "Продавница на чист воздух" (Продавница чистог ваздуха) ("Мисла" - Скопје, 1988)
• "Добриот ѓавол" (Добри ѓаво) ("Феникс" - Скопје, 1996)

Проза за деца и млади:

• "Скопскиот трамвај" (Скопски трамвај) ("Феникс" - Скопје, 1996)
• "Најголемата тајна" (Највеќа тајна) ("Феникс" - Скопје, 2004)

Критики:

• "Споени садови" (Спојени судови) ("Наша книга" - Скопје, 1986)

Публицистика:

• "Дванаесет горостаси" (Дванаест горостаса) ("Млад борец" - Скопје, 1983)
• "Собеседници" (Сабеседници) ("Наша книга" - Скопје, 1989)

Антологии и избори:

• "Вишнеења" (Узвисивања) (родољубива поезија, "Млад борец" - Скопје, 1980)
• "Визија на целината" (Визија целине) (светски краток расказ, "Мисла" - Скопје, 1992)
• "Белиот фустан" (Бела хаљина) (светска куса проза, "Феникс" - Скопје - 2001)
• "Во стварноста е реалноста сосема поинаква" (У стварности је реалност сасвим другачија) (светски графити, "Феникс" - Скопје, 2002)
• "Подарок од срцето" (Дар од срца) (љубовни песни и писма, "Феникс" - Скопје, 2003)

Во октомври 2014 година, во Здружението на писателите на Србија биле промовирани две збирки поезија на Петрески: „Погрешен човек“ и „Под потковицата на коњот“, објавени двојазично, на македонски и на српски јазик. „Погрешен човек“ е објавена од Националниот совет на Македонците во Србија, додека втората збирка е издание на Клубот на љубителите на книгата „Мајдан“. Исто така, на меѓународниот саем на книгата во Белград била претставена и збирка раскази на Петрески (на српски јазик), во издание на „Арте“ од Белград.

Награди

Христо Петрески е добитник на повеќе награди:

• за стихозбирката „Камен јазик“ ја добил наградата „Ацо Шопов“
• за новинарската дејност ја добил наградата „Крсте Петков Мисирков“
• за книгата за деца „Скопскиот трамвај“ ја добил наградата „Васил Куноски“
• за хаику поезија добил награда на Книжевната општина Вршац
• добитник е на наградата на ДПМ „Празник на липите“ за најдобра песна и есеј
• добитник е на награда на Културно-просветната заедница на Македонија
• добитник е на награда на Републичката конференција на младината на Македонија
• за збирката поезија „Погрешен човек“ ги добил наградите „Иво Андриќ„ и „Македон“
• 2012 - „Рациновото признание“ за „Лифтот (не) е за двајца“
• 2021 - награда „Караманов“ за стихозбирката „Пергамент“