(Translated by https://www.hiragana.jp/)
Эбата Юкико — Википедиа нэвтэрхий толь Jump to content

Эбата Юкико

Википедиа — Чөлөөт нэвтэрхий толь
Эбата Юкико

Волейбол
Төлөөлдөг улс:  Япон
Хувийн мэдээлэл
Бүтэн нэр Эбата Юкико
Төрсөн огноо 1989 оны 11 сарын 7 (1989-11-07) (34 настай)
Төрсөн газар Япон, Акита, Акита хот
 
Медалиуд
Зуны олимп
Хүрэл Лондон 2012 Эмэгтэй баг
Дэлхийн АШТ
Хүрэл Япон 2012 Баг
Азийн АШТ
Мөнгө Тайпэй 2011 Баг

Эбата Юкико (Япон: 江畑えはた 幸子さちこ, 1989 оны 11 сарын 7-нд төрсөн) нь Японы волейболчин эмэгтэй. Японы дээд лигийн ПФУ Блүкэтс баг болон Японы волейболын эмэгтэйчүүдийн үндэсний шигшээ багийн гишүүн. Тэрбээр шигшээ багийнхаа хамтаар 2012 оны зуны олимп, 2010 оны Дэлхийн АШТ-ээс тус тус хүрэл медаль хүртэж байв.[1]

Намтар[засварлах | кодоор засварлах]

Эбата Акита аймгийн Акита хотод төржээ. Эцэг эх, мөн 2 насны зөрүүтэй ах нь волейбол тоглодог байсан бөгөөд Юкико охин бага сургуулийн 3-р ангид байхдаа волейболын спортоор хичээллэж эхэлжээ.

Ариун Сүнсний охидын коллежийн харьяа дунд сургуулийн дасгалжуулагч түүнд санал тавьснаар Эбата тус сургуульд элсэн орсон бөгөөд хожим энэ шийдвэр түүний амьдралд том нөлөө үзүүлсэн гэж өөрөө ярьсан байдаг.[2] Улмаар ахлах сургуульд байхдаа багаа ахлан ахлах сургуулиудын УАШТ, ахлах сургуулиудын спартакиад зэрэгт оролцож байжээ.

2008 онд тэр үеийн Хитачи Сава Ривале багт элсэж, 2009/10 оны улирлаас эхлэн жигүүрийн довтолгчийн байрлалд гарааны бүрэлдэхүүнд багтах болов.

2010 оны 4 сард улсынхаа шигшээ багт багтаж, мөн ондоо волейболын гран при, дэлхийн АШТ-д оролцсон шигшээ багийнхаа хамгийн залуу гишүүн нь байлаа. Дэлхийн АШТ-д оролцохдоо төрсөн өдрөөрөө Туркийн багтай хийсэн тоглолтын үеэр 24 оноо авч багийнхнаа тэргүүлэх[3] зэргээр хүрэл медаль хүртэхэд хувь нэмэр оруулсан юм. Эбата дээд лигийн биш багаас шигшээ багтаа сонгогдсон цорын ганц тамирчин байлаа.

2012 оны 3 сард Хитачи Ривале багийн хамтаар Челленж лигт түрүүлж, өөрөө тэргүүн тоглогч, шилдэг давуулагчийн шагнал хүртэв.[4]

2012 оны олимпод шөвгийн наймд Хятадын багийг хожиход Кимүра Саоритай ижил 33 оноо авч багаа тэргүүлэн,[5] улмаар 28 жилийн дараа эх орондоо олимпын медаль авчиржээ.

2013 оны 2 сараас орон нутгийнхаа Акита банкны нүүр царайгаар сонгогдов.[6][7]。

2014 оны 9 сарын 1-нд Хитачи Ривале багаа орхиж Францын РС Канн баг руу шилжээд,[8][9] тэнд нэг улирал тоглосны дараа 2015 оны 6 сарын 1-нд ПФУ Блюкэтс багт элсэн оржээ.[10]

Эшлэл[засварлах | кодоор засварлах]

  1. ↑ "Yukiko Ebata Bio, Stats, and Results". Olympics at Sports-Reference.com (in англи). Archived from the original on 2020-04-17. Retrieved 2018-10-28.
  2. ↑ OLYMPIAN（公益こうえき財団ざいだん法人ほうじん日本にっぽんオリンピック委員いいん会かい広報こうほう誌し）2012年ねん3月がつ14日にち号ごう 6-7ページ
  3. ↑ "21歳さいバースデー江畑えばた24得点とくてん！日本にっぽん2位い死守ししゅ". スポーツニッポン. 2010-11-08. Retrieved 2011-11-14.
  4. ↑ Vリーグ機構きこう. "2011/12Ｖ・チャレンジリーグ女子じょし最終さいしゅう結果けっか". Retrieved 2012-03-11.
  5. ↑ 中国ちゅうごく戦せん勝利しょうりに貢献こうけん・江畑えはた選手せんしゅ 自みずからトス呼よび、強打きょうだ[permanent dead link] 秋田あきた魁いさお新報しんぽう 2012年ねん8月がつ9日にち閲覧えつらん
  6. ↑ 全日本ぜんにほん女子じょしバレーボール代表だいひょう 江畑えはた幸子さちこ選手せんしゅのイメージキャラクター起用きようについて (Memento 9. Наймдугаар сар 2016 цахим архивт) 株式会社かぶしきがいしゃ秋田銀行あきたぎんこう 平成へいせい25年ねん1月がつ30日にち
  7. ↑ 「47NEWS 江畑えばた選手せんしゅ、秋あき銀ぎんのキャラに起用きよう　立だて看板かんばんなどお目見めみえ[permanent dead link]」『秋田あきた魁さきがけ新報しんぽう』2013年ねん2月がつ2日にち
  8. ↑ 日立ひたちリヴァーレ. "江畑えはた幸子さちこ選手せんしゅのフランスバレーボールリーグへの移籍いせきについて" (PDF). Archived from the original (PDF) on 2014-07-28. Retrieved 2014-07-24.
  9. ↑ RC Cannes. "Le Racing fait signer une Japonaise !". Archived from the original on 2014-12-01. Retrieved 2014-07-24.
  10. ↑ PFUブルーキャッツ. "江畑えはた幸子さちこ選手せんしゅの入団にゅうだんについて". Retrieved 2015-06-01.
"https://mn.wikipedia.org/w/index.php?title=Эбата_Юкико&oldid=751035"-с авсан