युव्हाल नोआ हरारी
Appearance
![](https://upload.wikimedia.org/wikipedia/commons/thumb/f/f9/Yuval_Noah_Harari_cropped.jpg/220px-Yuval_Noah_Harari_cropped.jpg)
प्रा. युव्हाल नोआ हरारी (हिब्रू:יובל נח הררי; १९७६ - ) हे इंग्लिश लेखक आहेत. त्यांनी सेपियन्स (मानव जातीचा अनोखा इतिहास), होमो डेअस (मानवजातीच्या भविष्याचा रोमांचक वेध) आणि ट्वेंटिवन लेसन्स फाॅर ट्वेंटिफर्स्ट सेंचुरी सह अनेक पुस्तके लिहिली आहेत.
हरारी यांनी ऑक्सफर्ड विद्यापीठातून इ.स. २००२मध्ये पीएच.डी. पदवी मिळवली. ते हिब्रू युनिव्हर्सिटी ऑफ जेरुसलेम येथे इतिहासाचे प्राध्यापक आहेत. हरारी हे जागतिक इतिहास, मध्ययुगीन इतिहास व लष्कराचा इतिहास ह्या विषयांचे तज्ज्ञ आहेत. जीवशास्त्र व इतिहास यांचा नेमका काय संबंध आहे?, सेपियन्स आणि इतर प्राणी यांच्यामध्ये मूलत: काय फरक आहे?, इतिहासात न्याय नावाची गोष्ट आहे का?, इतिहासाला दिशा असते का?, इतिहास जसजसा उलगडत जातो, तसतसे लोक अधिक सुखी होतात का? या विषयांवर ते अधिक संशोधन करीत आहेत.
मराठी अनुवाद
[संपादन]- २१ व्या शतकासाठी २१ धडे (अनुवादित, मूळ इंग्रजी 'ट्वेंटिवन लेसन्स फाॅर ट्वेंटिफर्स्ट सेंचुरी' मराठी अनुवाद - सुनील तांबे)
- हरारी यांच्या 'सेपियन्स (मानव जातीचा अनोखा इतिहास)' या पुस्तकाचा डाॅ. वासंती फडके यांनी मराठीत अनुवाद केला आहे.
- 'होमो डेअस : मानवजातीच्या भविष्याचा रोमांचक वेध' या पुस्तकाचा सुश्रुत कुलकर्णी यांनी मराठी अनुवाद केला आहे.
पुरस्कार व सन्मान
[संपादन]- २००९ आणि २०१२मध्ये दोन वेळा, 'पोलोन्स्की प्राईज फाॅर क्रिएटिव्हिटी ॲन्ड ओरिजिनॅलिटी'
- लष्कराच्या इतिहासाबद्दलच्या ऐतिहासिक लेखांसाठी इ.स. २०१२ साली 'सोसायटी फाॅर मिलिटरी हिस्ट्री'चा 'मोनकॅडो' पुरस्कार
- २०१७साठीचा 'सर्वाधिक विचारप्रवण करणाऱ्या प्रभावी पुस्तका'साठी 'होमो डेअस'ला 'हँडल्सब्लास्ट्स जर्मन इकाॅनाॅमिक बुक' पुरस्कार