Liebru xkupa
| Liebru xkupa | |
|---|---|
| |
| Klassifikazzjoni xjentifika | |
| Renju: | Animalia |
| Phylum: | Chordata |
| Klassi: | Mammalia |
| Sottoklassi: | Theria |
| Infraklassi: | Eutheria |
| Superordni: | Euarchontoglires |
| Ordni: | Lagomorpha |
| Familja: | Leporidae |
| Ġeneru: | Lepus |
| Speċi: | L. castroviejoi |
| Isem binominali | |
| Lepus castroviejoi Palacios, 1977 | |
Il-Liebru xkupa (Lepus castroviejoi) huwa speċi ta' mammiferu plaċentat tal-familja Leporidae, fl-ordni Lagomorpha, nattiv tal-kontinent tal-Ewropa u endemiku ta' Spanja.
Dan il-liebru huwa speċi rari u ristretta ħafna, mifruxa ma' arja żgħira fil-peninżula Iberika fuq il-Muntanji ta' Kantabrija fit-Tramuntana ta' Spanja bejn Sierra de Ancares u Sierra de Pena Labra. Il-liebru xkupa jgħix fil-muntanji b'elevazzjoni bejn 1,300 u 1,900 metru, għalkemm fix-xitwa jinżel aktar fil-baxx f'elevazzjoni ta' madwar 1000 metru biex jiskarta it-temperaturi kesħin u s-silġ għoli.
Il-liebru xkupa għal żmien twil kien ikkunsidrat bħala sottospeċi tal-Liebru Ewropew (Lepus europaeus) sakemm fl-1976 ġiet deskritta xjentifikament bħala speċi distinta. Ftit li xejn hemm informazzjoni dwar l-ikel, ir-riproduzzjoni u l-imġieba ta' dan il-liebru, imma x-xjentisti jaħsbu li jgħix ħajja simili tal-liebru Ewropew.
Liebru xkupa adult jikber bejn 45 u 60 ċentimetru twil, b'denb ta' bejn 5 u 10 ċentimetri oħra, par saqajn fuq wara ta' madwar 20 ċentimetru u par widnejn enormi li kapaċi jilħqu it-tul inkredibli ta' 20 ċentimetru.
Klassifikazzjoni
[immodifika | immodifika s-sors]Dan il-liebru wara li għal ħafna żmien kien ikkunsidrat bħala sottospeċi ta' Lepus europaeus ġie kklassifikat bħala speċi separata fl-1976, u huwa wieħed minn għaxar speċi li qegħdin klassifikati fis-sottoġeneru Eulagos u ma' hemm l-ebda sottospeċi rikonoxxuta.
- Ordni Lagomorpha
Sinonimi
[immodifika | immodifika s-sors]"Lepus europaeus castroviejoi" huwa sinonimu jew l-istess bħal u jirreferi għal Lepus castroviejoi ta' Palacios, 1976.
Referenzi
[immodifika | immodifika s-sors]- Wilson, D. E.; Reeder, D. M. Mammal Species of the World, 3rd edition, Johns Hopkins University Press, ISBN 0-8018-8221-4
- Lepus castroviejoi, Lista Ħamra tal-IUCN 2006
- Id-Databażi Palebijoloġika