Cristiano Ronaldo
![](https://upload.wikimedia.org/wikipedia/commons/thumb/4/49/Cristiano_Ronaldo_%28cropped%29.jpg/200px-Cristiano_Ronaldo_%28cropped%29.jpg)
![](https://upload.wikimedia.org/wikipedia/commons/thumb/d/d6/Cristiano_Ronaldo_and_Lionel_Messi_-_Portugal_vs_Argentina%2C_9th_February_2011.jpg/200px-Cristiano_Ronaldo_and_Lionel_Messi_-_Portugal_vs_Argentina%2C_9th_February_2011.jpg)
Cristiano Ronaldo dos Santos Aveiro OIH (Funchal, 5 de febreiro de 1985)[1] ye un futebolista pertués.
Ronaldo ampeçou sue carreira nas catadories de base de l Andorina, an 1995 fui para l Nacional i sou sucesso cula eiquipe l lhebou a assinar cul Sporting dues temporadas depuis. L talento precoce de Cristiano Ronaldo chamou la atençon de Sir Alex Ferguson técnico i dirigente de l Manchester United, an 2003 quando tenie solo 18 anhos de eidade Cristiano Ronaldo assinou un cuntrato cul clube anglés, que pagou cerca de £12,24 milhones al Sporting.[2] Yá na temporada seguinte, Ronaldo ganhou sou purmeiro títalo cul Manchester United, la Copa de la Anglaterra, i chegou a final de la UEFA Ouro 2004 cun Pertual, an que el marcou l sou purmeiro golo anternacional mas nun eibitou la surprendente derrota para la Grécia.
An 2008, Cristiano Ronaldo cunquistou sue purmeira Liga de l Campeones cul Manchester United. Para alhá de tener sido nomeado l Melhor jogador de l mundo pula FIFPro[3] i de Melhor jogador de l mundo pula FIFA,[4] para alhá de tornar-se l purmeiro jogador de l Manchester United a ganhar la Ballon d'Or[5] an 40 anhos, passado George Best.[2]
Trés bezes ganhador de la Bola de our Johan Cruijff dixe nua antrebista, "Ronaldo ye melhor de l que George Best i Denis Law, que fúrun dous grandes i brilhantes jogadores na stória de l United."[6]
Bida pessonal
[eiditar | eiditar código-fuonte]Cristiano Ronaldo naciu na freguesie de Santo António, Ilha de la Madeira, ye l filho mais nuobo de Marie Dolores de l Santos Aveiro i José Dinis Aveiro. Sou segundo nome, "Ronaldo", presta houmenaige al ator faborito de José Dinis Aveiro, l anton persidente de l Stados Ounidos, Ronald Reagan.[7] Ten un armano mais bielho, Hugo, i dues armanas mais bielhas, Eilma i Cátie Lhiliana.[1]
Carreira
[eiditar | eiditar código-fuonte]Ampeço de carreira
[eiditar | eiditar código-fuonte]Als 8 anhos de eidade jogou nas catadories de base de l Andorina. An 1995, Cristiano Ronaldo assinou cul un clube lhocal l Nacional, passado dous anhos nas catadories de base de l Nacional fui jogar nas catadories de base de l Sporting debido a ua díbeda de l Nacional para cul Sporting, de 450 mil scudos.[8]
Sporting CP
[eiditar | eiditar código-fuonte]Cristiano Ronaldo juntou-se als outros moços jogadores de l Sporting i cunseguiu tornar-se l solo jogador a tener jogado ne l Sporting Sub-16, Sub-17, Sub-18, B, i na eiquipe percipal, todo nua solo temporada.[9] El marcou dous golos para l Sporting an sue stréia na eiquipe percipal contra l Moreirense, defendiu pula primera beç Pertual ne l Campeonato Ouropeu Sub-17.[10]
Quando Ronaldo el tenie 15 anhos, fui diagnosticado un porblema ne l coraçon, ua cundiçon que poderie tener fuorçado el a zeistir de jogar futebol. L Sporting anformou l porblema pa la mai de Cristiano Ronaldo, cientes de l peligro la mai de Ronaldo dou outorizaçon para el ir al spital. Anquanto alhá, el tubo ua ouperaçon an que un lhaser fui ousada para cauterise la ária de sou coraçon que staba causando l porblema. La cirurgie fui rializada ne l período de la manhana i Ronaldo recebiu alta de l spital até l final de la tarde, el retomou la eiquipa solo alguns dies depuis.[11]
Cristiano Ronaldo fui percurado purmeiro pul Arsenal, mas l técnico Arséne Wenger, nun chegou a acordo cula direçon de l Sporting.[12] Inda assi, el chamou la atençon de Sir Alex Ferguson técnico i dirigente de l Manchester United, ne l berano de 2003, quando l Sporting derrotou l United por 3-1 na inauguraçon de l stádio Albalade XXI, an Lisboua. L zampenho de Ronaldo ampressionou até ls jogadores de l Manchester United, que ne l bóo de bolta la Anglaterra, tenerien pedido la Sir Alex Ferguson la sue cuntrataçon para sustituir Dabid Beckhan, que se tenie trasferido para l Real Madrid.[13]
Manchester United
[eiditar | eiditar código-fuonte]L Manchester United l cuntratou an 2003, por £12,24 milhones,[2] i renobado ne l die 13 de abril de 2007 até l anho de 2012.[14]
Mesmo moço ganhou ne l Manchester United bários títalos ambeijables para qualquiera jogador, cumo la Premier League 2006-07 i la Premier League 2007-08, la Lhiga de l Campeones 2007-2008, l Mundial de Clubes de la FIFA de 2008, para alhá dua Copa de la Anglaterra, dues Copa de la Lhiga Anglesa i dues Supercopa de la Anglaterra.
Mas ne l die 5 de júnio de 2008, la Sky Sports anformou que Cristiano Ronaldo habie manifestado antresse an transferir-se para l Real Madrid.[15] L Manchester United apersentou ua queixa de aliciamento de l Real Madrid para la FIFA an 9 de júnio, mas la FIFA recusou a tomar qualquier açon subre l causo passado l Real Madrid negar publicamente.[16] La speculaçon de que ua transferéncia que acunterie cuntinou até 6 de agosto, quando Ronaldo cunfirmou que el eirie permanecer ne l Manchester United, por pul menos mais un anho.[17] Inda assi an Júnio de 2009, l Manchester United anunciou la permisson de que l jogador i l Real Madrid çcutissen pormenores de cuntrato, ua beç que tenie aceite la perpuosta de cumpra.[18]
Real Madrid
[eiditar | eiditar código-fuonte]Depuis de muitas spelucaçones, l Real Madrid chegou a acordo cul Manchester United para la transferéncia de l melhor jogador de l mundo an 2008, pula quantie anunciada de €94 milhones an 11 de júnio de 2009.[18]
L jogador torna-se deste modo na maior i mais cara cuntrataçon de siempre de l futebol mundial.[18]
Talento bs. Cumportamento
[eiditar | eiditar código-fuonte]![](https://upload.wikimedia.org/wikipedia/commons/thumb/3/3c/Cristiano_Ronaldo.jpg/250px-Cristiano_Ronaldo.jpg)
Fui muitas bezes craticado pul cumportamento arrogante, agora l jogador melhorou la sue maneira de lhidar cul futebol, sendo cunsidrado por muitos la streilha maior de l futebol mundial. A la parte esso, dou mostras dua cierta falta de maturidade i cumpostura, cumo cumproba l sou cumportamento ne ls jogos amigables que la seleçon pertuesa rializou antes de l redadeiro Mundial. Ye speculado que parte deste cumportamiento se deba al fato de ser moço i de tener tenido ua rápida ascenson al strelato que la ida de l Sporting para l Manchester United proporcionou. Assi i todo, als poucos, Ronaldo ten daprendido a se cuntener i a ser mais oubjetibo an campo, tenendo sido un de l grandes bastiones de la cunquista de l Campeonato Anglés pul Manchester United, cun muitos golos i atuaçones çtacadas al lhado de Wayne Roney.
Inda assi este cumportamiento ten benido a alterar-se al lhongo de l tiempo, sendo el atualmente un de l eisemplos de la Seleçon Nacional. Anclusibamente fui capitan de eiquipa por ua beç, ne l jogo amigable Pertual x Brasil çputado ne l Emirates Stadiun an Lhondres, que terminou cula bitória de la seleçon pertuesa por 2-0. Hai que salientar que Ronaldo fui capitan cumo forma de houmenaige de Felipon a un falecido dirigente de la FPF - Carlos Silba - que le pedie cun ansisténcia para dar la braçadeira al Ronaldo.
Felipon apostou claramente neste pequeinho grande talento para se tornar l feturo capitan de la seleçon pertuesa, sustituindo assi outra grande figura de l futebol pertués, l speriente Luís Figo jogador de la Anternazionale.
Ye cunsidrado ua de las maiores rebelaçones ne l futebol mundial de l redadeiros tiempos grácias la sue halbelidade i facilidade de lhidar cula bola, cun ua fantástica percison an cobranças de falta. Puode jogar cumo atacante pulas puntas, ó criador de jogadas pul meio, driblando an sequéncia. Ye mui caçado an campo por causa de la sue halbelidade, i tamien ye admirado por aguantar firme l stilo de jogo de l futebol anglés, coincido cumo "truculento", i hoije el ye cunsiderado ua de las maiores streilhas de l futebol. Cristiano Ronaldo ye ua pessona cun ua grande capacidade de daprendizaige, de eiboluçon i de corregir ls sous própios defeitos anquanto jogador i anquanto pessona. Nun ye por acauso que de anho para anho se ten benido a registar mudanças significatibas na sue forma de jogar i de star delantre la sociadade. Bastante eimaturo delantre las mulhieres, nun deixa de ser ua pessona cun un grande respeito pul próssimo anque gustar bastante del i de, por bezes, oscilar antre l eigoísmo i l altruísmo.
Seleçon Pertuesa
[eiditar | eiditar código-fuonte]Fui cunsidrado un de ls melhores jogadores moços de la Copa de l Mundo de 2006, torneio an que Pertual se classeficou an 4º lhugar, delantre de seleçones cumo las de l Brasil, Argentina, Anglaterra, Países Baixos, i Espanha. Jogou todas las partidas a la sceçon de la bitória subre l México, i fizo un golo contra l Eiran. Ne l jogo contra la Países Baixos, saliu aliejado inda ne l purmeiro tiempo por causa dua biolenta antrada de l guarda-riedes Khalid Boulahrouz, que mais tarde serie spulso.
Golos Anternacionales
[eiditar | eiditar código-fuonte]Títalos
[eiditar | eiditar código-fuonte]Artilharies
[eiditar | eiditar código-fuonte]- Premier League 2007-08 - 31 golos - 34 jogos
- Lhiga de l Campeones 2007-08 - 8 golos - 11 jogos*
Prémios andibiduales
[eiditar | eiditar código-fuonte]- Melhor jogador de l mundo pula FIFA - 2008 - FIFA [4]
- Melhor jogador de l mundo pula FIFPro - 2008 - FIFPro [3]
- Ballon d'Or - 2008 - France Fotball [5]
- Eiquipe de la Ourocopa 2004 - UEFA
- Eiquipa de l anho de la UEFA - 2003-04, 2006-07 i 2007-08 - UEFA
- Bota de Prata de l Mundial de Clubes de la FIFA - 2008 - FIFA
- Jogador Moço de l anho FIFPro 2005
- Eiquipa de l Anho de la Premier League 2005/2006
- Barclays Jogador de l Més - Nobembre 2006
- Barclays Jogador de l Més - Dezembre 2006
- Jogador Moço de l anho FIFPro 2006
- Melhor Jogador Moço de la Lhiga Anglesa 2006
- Eiquipa de l Anho de la Premier League 2006/2007
- Futebolista Pertués de l Anho 2006/2007
- Onze Eideal FIFPro 2006/2007
- Melhor Jogador Moço de la Lhiga Anglesa 2007
- Melhor Jogador de la Lhiga Anglesa 2007
- Melhor Jogador atuar na Premier Lhigue (2007) pula (FWA). (Restringida al Reino Ounido)
- Barclays Jogador de l Més - Janeiro 2008
- Barclays Jogador de l Més - Márcio 2008
- Melhor Jogador de la Lhiga Anglesa 2008
- Melhor Jogador de l Més - Setembre 2008
- Eiquipa de l Anho de la Premier League 2007/2008
- Bota de Ouro Barclays 2007/2008 (Artilheiro de la Premier League)
- Prémio de Mérito Barclays 2007/2008
- Melhor jogador de la Lhiga de l Campeones 2007/2008
- Melhor Abançado de la Lhiga de l Campeones 2007/2008
- Onze Eideal FIFPro 2007/2008
- Chuteira de Ouro 2007/08 France Fotball (Artilheiro de la Ouropa)
- Eiquipa de l Anho de la Premier League 2008/2009
- Globo de Ouro - SIC - Melhor jogador de l anho 2008/2009
Refréncias
- ↑ 1,0 1,1 (an anglés) «Perfil de C. Ronaldo - The Ouserber». 8 de júnio de 2008. Cunsultado an 12 de márcio de 2009
- ↑ 2,0 2,1 2,2 (an anglés) «Perfil de C. Ronaldo - ManUtd.com». Cunsultado an 11 de márcio de 2009. Cópia arquibada an 8 de márcio de 2009
- ↑ 3,0 3,1 (an anglés) «C. Ronaldo ye nomeado l Melhor jogador de l mundo pula FIFPro - Reuters». 27 de outubre de 2008. Cunsultado an 12 de márcio de 2009. Cópia arquibada an 18 de dezembre de 2008
- ↑ 4,0 4,1 (an anglés) «C. Ronaldo ye nomeado l Melhor jogador de l mundo pula FIFA - FIFA.com». 27 de outubre de 2008. Cunsultado an 12 de márcio de 2009. Cópia arquibada an 14 de febreiro de 2009
- ↑ 5,0 5,1 Modelo:Fr «C. Ronaldo ganha la Ballon d'Or 2008 - France Fotball». 2 de dezembre de 2008. Cunsultado an 12 de márcio de 2009. Cópia arquibada an 28 de febreiro de 2009
- ↑ (an anglés) «"Cruyff: Ronaldo, ye l melhor de la stória de l United». Press TV. 2 de abril de 2008. Cunsultado an 12 de márcio de 2009. Cópia arquibada an 28 de febreiro de 2009
- ↑ (an anglés) «"La agonia secreta de £31 C. Ronaldo». Sunday Mirror. 22 de abril de 2007. Cunsultado an 12 de márcio de 2009. Cópia arquibada an 18 de júnio de 2009
- ↑ (an anglés) Hylands, Alan. «Perfil de C. Ronaldo». About.com. Cunsultado an 12 de márcio de 2009. Cópia arquibada an 19 de febreiro de 2009
- ↑ (an anglés) «Duelo de titanes C. Ronaldo x Kaká - Manchester Eibening News». 24 de abril de 2007. Cunsultado an 12 de márcio de 2009
- ↑ (an anglés) «Jogadores famosos de l Campeonato Ouropeu Sub-17 - UEFA Sub-17». Cunsultado an 12 de márcio de 2009. Cópia arquibada an 28 de febreiro de 2009
- ↑ (an anglés) Rollings, Grant (29 de janeiro de 2009). «Ouperaçon salba l coraçon de C. Ronaldo». The Sun. Cunsultado an 12 de márcio de 2009. Cópia arquibada an 20 de febreiro de 2009
- ↑ (an anglés) «Perfil de C. Ronaldo - Cristiano Ronaldo 101». Cunsultado an 12 de márcio de 2009. Cópia arquibada an 21 de febreiro de 2009
- ↑ (an anglés) «Perfil de C. Ronaldo». World Cup Socer. Cunsultado an 12 de márcio de 2009. Cópia arquibada an 20 de febreiro de 2009
- ↑ (an pertués) «Cristiano Ronaldo renoba cul Manchester até 2012». Uol Esporte. 13 de abril de 2007. Cunsultado an 12 de márcio de 2009
- ↑ (an anglés) «C. Ronaldo quebra l siléncio». Sky Sports. 5 de júnio de 2008. Cunsultado an 12 de márcio de 2009
- ↑ (an anglés) «Real Madrid nega acusaçones de l Manchester United». BBC Sport. 10 de júnio de 2008. Cunsultado an 12 de márcio de 2009
- ↑ (an anglés) «Fico pul menos mais un anho - C. Ronaldo». BBC Sport. 7 de agosto de 2008. Cunsultado an 12 de márcio de 2009
- ↑ 18,0 18,1 18,2 (an anglés) «Record Ronaldo bid accepted». ManUtd.com. 11 de júnio de 2009. Cunsultado an 11 de júnio de 2009. Cópia arquibada an 12 de júnio de 2009
Lhigaçones sternas
[eiditar | eiditar código-fuonte]- Cristiano Ronaldo Calantriç i statísticas an FootballDatabase
- Cristiano Ronaldo statísticas an Topforward (an anglés)
- Cristiano Ronaldo Fanpage
- Cristiano Ronaldo l Tigre
- Cristiano Ronaldo Tribute