Trasporte
|
| Este artigo ye parte de la série subre Trasportes |
| Meios... |
|
Animal
|
| Bei tamien... |
| Tópicos |
Transporte ye l mobimento de pessonas i mercadories antre lugares.
Aspetos de l transporte
Cul passar de ls anhos ban aparecendo cada beç mais transportes, i estes son cada beç mais çtintos i cun muitos géneros defrentes, aparecen custantemente bários tipos de beíclos i meios de transporte por to l mundo [1].
L campo de transporte apersenta muitos aspetos: eilhes puoden ser dibedidos an anfrastrutura, beíclos i ouperaçones comerciales. Anfrastrutura anclui la rede de transporte rudobiária, férrea, aérea, flubial, etc. que ye outelizada, assi cumo ls terminales (cumo aeroportos, staçones de camboio, portos, terminales d'outocarro. Ls beíclos, cumo altemobles, becicletas, outocarros,camboios i abiones, normalmiente circulan na rede. Ouperaçones stan relacionadas cula maneira cumo ls beíclos ouperan na rede i l cunjunto de porcedimentos specificados para l perpósito deseiado, ancluindo l'ambiente legal (leis, códigos, regulamientos, etc.). Políticas, cumo por eisemplo financiar l sistema, puoden ser cunsidradas parte de las ouperaçones.
L porjeto de la rede biária ye de l domínio de la angenharie cebil i planeamiento ourbano; l porjeto de beíclos, de la angenharie mecánica i de setores specializados cumo angenharie náutica, i angenharie aerospacial; i las ouperaçones son giralmente specializadas, a las bezes pertencendo a angenharie de sistemas.
Modos i catadories
Transporte terrestre
L transporte terrestre ye l mobimento de pessonas i mercadories por tierra . Anclui l transporte rudobiário, ó seia, por strada, i l transporte fierrobiário, por linhas de ls camboios.
Beíclos de transporte terrestre
Transporte marítimo
L transporte marítimo ye l mobimento de pessonas i mercadories pul mar ó rius, an barcos i nabios, ousado percipalmente para mobimentar mercadories an grandes çtáncias ne ls nabios de carga ó an biaiges turísticas ne ls trasantlánticos.
Beíclos de transporte marítimo/Flubial
Transporte aéreo
L transporte aéreo ye l mobimento de pessonas i mercadories pul aire usando abiones ó heilicóteros, ousado mais para mobimentar passageiros ó mercadories urgentes ó d'alto balor.
Beíclos de transporte aéreo
Transporte por tubos
L transporte por tubos ye outilizado normalmiente para transportar perdutos atrabeç de cundutas de tubos, normalmente petrólio i gáç natural. Son mais coincidas cumo:
- Gasoduto - ne l causo de transporte de gáç natural
- Olioduto - ne l causo de transporte de petrólio i sous deribados
Ls oliodutos i gasodutos tamien son coincidos pula spresson anglesa pipeline. Ye l meio de transporte, para grandes quantidades, mais siguro i eiconómico qu'eisiste.
L transporte por tubos ten cumo percipales bantaiges:
- La reduçon de ls custos de transporte de líquidos, a médias i a longas çtáncias;
- La deminuiçon de la poluiçon, puis ls riscos d'acidente i de derrame son mais pequeinhos.
Bibliografie
- BARAT, Josef - Logística, transporte i zambolbimento eiconómico. San Paulo: Eiditora CLA, 2007. ISBN 978-85-85454-29-6
- KEEDI, Samir - Logística de transporte anternacional: beíclo prático de cumpetitibidade. 3ª ed. San Paulo: Aduaneiras, 2007. ISBN 978-85-7129-482-0
- FERREIRA, Luiz Antonio Félix - Transporte aéreo anternacional: caraterísticas, custos i bison stratégica de logística. San Paulo: Aduaneiras, 2003. ISBN 978-85-7129-381-6
- GUNSTON, Bill – Transport: Problems and Prospects. Londres: Thames and Hudson, 1972. ISBN 978-05-00080-13-9
Ber tamien
- ANPET - Associaçon Nacional de Pesquisa i Ansino an Transportes
- Logística nas ampresas
- Redes de transporte
- Sustentablidade an transporte
- Transporte de produtos alimentares
- Turismo
- Beíclo
Refréncias
- ↑ (Gunston, 1972, p. 7)