Parlamiento Ouropeu
![]() Parlamiento Ouropeu|- | |
Formaçon: | 1952 cumo Assemblé Quemun |
Persidente: | Jerzy Buzek (PPE) desde 14 de Julho de 2009 |
Bice-persidentes: | 14 |
Grupos Políticos: | 7 |
Comissones: | 22 |
Radadeira eileiçon: | Júnio de 2009 (736 nembros) |
Local: | Strasburgo i Bruxelas |
Secretariado: | Luxemburgo i Bruxelas |
Site oufecial: | europarl.europa.eu |
L Parlamiento Ouropeu ye l'anstituiçon parlamentar de la Ounion Ouropeia. Eileito por un período de 5 anhos por sufrágio ounibersal direto puls cidadanos de ls stados-nembros, l Parlamiento Ouropeu ye la spresson democrática de 374 milhones de cidadanos ouropeus. Custitui assi la Assemblé eileita mos tenermos de ls Tratados, de l Ato de 20 de Setembre de 1976. Ne l Parlamiento Ouropeu stan repersentadas, la nible de formaçones políticas paneuropeias, las grandes tendéncias políticas eisistentes ne ls países nembros. Ten sede an Strasburgo, na Fráncia.
L persidente de l Parlamiento Ouropeu ye Jerzy Buzek.
Funçones
[eiditar | eiditar código-fuonte]L Parlamiento ten trés funçones percipales:
Aporfilhar ls atos legislatibos ouropeus
[eiditar | eiditar código-fuonte]L porcesso mais usual pa l'aporfilhaçon de la legislaçon de la UE ye l de «co-decison», que coloca l Parlamiento Ouropeu i l Cunseilho de la Ounion Ouropeia an pie d'eigualdade i se aplica a la legislaçon nua basta gama de domínios.
Nalguns domínios (por eisemplo, l'agricultura, la política eiquenómica i la política an matéria de bistos i d'eimigraçon), solo l Cunseilho puode legislar, mas ye oubrigado a cunsultar l Parlamiento. Para alhá desso, ye neçaira l'aprobaçon de l Parlamiento para ciertas decisones amportantes, cumo l'adeson de nuobos países a la UE.
L Parlamiento cuntribui inda pa l'eilaboraçon de nuoba legislaçon, dado que ten d'eisaminar l porgrama de trabalho anual de la Comisson, detreminando quales ls nuobos atos legislatibos que son necessairos i solicitando a la Comisson qu'apersente perpuostas nesse sentido.
Cuntrolo democrático
[eiditar | eiditar código-fuonte]L Parlamiento eiserce, an bárias circunstáncias, un cuntrolo democrático de las outras anstituiçones ouropeias.
Quando ye andigitada ua nuoba Comisson, ls sous nembros son zeignados puls gobiernos de ls Stados nembros, mas nun puoden ser nomeados sin l'aprobaçon de l Parlamiento. L Parlamiento rializa oudiçones cun cada nembro andebidualmente, ancluindo cul Persidente de la Comisson andigitado, i submete a la botaçon l'aprobaçon de l cunjunto de la Comisson.
Durante to l sou mandato, la Comisson permanece politicamente respunsable delantre l Parlamiento, que puode aprobar ua «moçon de censura» qu'amplica la demisson de to la Comisson.
An tenermos mais gerales, l Parlamiento eiserce l sou cuntrolo atrabeç de l'análeze periódica de relatórios ambiados pula Comisson (l Relatório Giral anual, relatórios subre l'eisecuçon de l'ourçamiento, etc.). Para alhá desso, ls deputados de l PE andereçan regularmente preguntas a la Comisson, la que ls nembros de la Comisson son, por lei, oubrigados a respunder.
L Parlamiento tamien acumpanha ls trabalhos de l Cunseilho: ls deputados de l PE andereçan regularmente preguntas al Cunseilho i l Persidente de l Cunseilho partecipa nas sessones plenárias de l Parlamiento i ne ls debates mais amportantes.
L Parlamiento puode tamien eisercer l sou cuntrolo democrático atrabeç de l'análeze de las petiçones apersentadas por cidadanos i de l'anstituiçon de comissones d'anquérito.
Por redadeiro, l Parlamiento cuntribui siempre pa las cimeiras de la UE (las reuniones de l Cunseilho Ouropeu). Ne l'ampeço de cada cimeira, l Persidente de l Parlamiento ye cumbidado a sprimir ls puntos de bista i preocupaçones de l Parlamiento subre assuntos amportantes i subre las questones que figuran na agenda de l Cunseilho Ouropeu.
Ne l'anho de 2009 l cuntrolo democrático drento de l parlamiento ouropeu, fizo cun que Jean Marie Le Pen, de la Frente Nacional de Fráncia, nun fazisse l'abiertura de l'heimiciclo, que siempre fui feita até anton pula pessona cun maior eidade andependientemente de l'eideologie politica, criando acessa çcusson ne l parlamiento Ouropeu antre boicotes, fazendo cun que nun permitisse la Jean Marie Le Pen essa mesma abiertura.
L poder ourçamental
[eiditar | eiditar código-fuonte]L'ourçamiento anual de la UE ye decidido cunjuntamente pul Cunseilho i pul Parlamiento. Quanto a la forma d'aprobaçon de l'ourçamiento, solo a partir de ls Tratados de Luxemburgo de 1970 i 1975, quando tanto l Parlamiento Ouropeu cumo l Cunseilho, cumbertírun-se ne ls dous eilos de l'outoridade ourçamental, debedindo esta cumpeténcia. Ne l causo de nun stáren d'acuordo subre las quanties de l porjeto d'ourçamiento, l Parlamiento puode recusar l'ourçamiento na sue totalidade, oubrigando l'ampeçar to l procedimiento zde l'ampeço. L'ourçamiento solo entra an bigor passado ser assinado pul Persidente de l Parlamiento.
La Comisson de l Cuntrolo Ourçamental (COCOBU) de l Parlamiento cuntrola l'eisecuçon de l'ourçamiento. Todos ls anhos, l Parlamiento ten de decidir se aproba la forma cumo la Comisson eisecutou l'ourçamiento de l'eisercício financeiro precedente. Este porcesso d'aprobaçon ten la zeignaçon técnica de «quitaçon».
L parlamiento para para alhá d'aporfilhar l'ourçamiento eiserce un cuntrolo permanente subre la geston de ls créditos, i abalua ls eifeitos de ls financiamientos rializados al abrigo de l'ourçamiento quemunitairo, liebando a cabo un açon cuntina cul oubjetibo de detetar i reprimir las fraudes.
Grupos políticos
[eiditar | eiditar código-fuonte]Grupo | Líder(s) | Númaro de nembros | ||
---|---|---|---|---|
PPE | Joseph Daul | 265 | ![]() | |
S&D | Martin Schulz | 184 | ||
ALDE | Guy Verhofstadt | 84 | ||
G-EFA | Daniel Cohn-Bendit Rebecca Harms |
55 | ||
ECR | Timothy Kirkhope | 54 | ||
GUE-NGL | Lothar Bisky | 35 | ||
EFD | Nigel Farage Francesco Speroni |
32 | ||
Nó-anscritos | Andependientes | 27 |
Na sétima legislatura ls grupos políticos son:
- PPE - Grupo de l Partido Popular Ouropeu (Democratas-Crestianos), cun 265 deputados.
- S&D Aliança de ls Socialistas i Democratas Progressistas, cun 184 deputados.
- ALDE Grupo de la Aliança de ls Democratas i Liberales pula Ouropa, cun 84 deputados.
- G-EFA Grupo de ls Berdes/Aliança Libre Ouropeia, cun 55 deputados.
- ECR Reformistas i Cunserbadores Ouropeus, cun 54 deputados.
- GUE/NGL Grupo Cunfederal de la Squierda Unitária Ouropeia/Squierda Nórdica Berde, cun 35 deputados.
- EFD Grupo Ounion pa la Ouropa de las Naciones, cun 32 deputados.
- NI Nó-anscritos, cun 27 deputados.
Deputados por paíç
[eiditar | eiditar código-fuonte]Modelo:Debison proporcional ne l Parlamiento Ouropeu
Comissones de l Parlamiento
[eiditar | eiditar código-fuonte]![](https://upload.wikimedia.org/wikipedia/commons/thumb/3/3f/Fraktionssitzung_Nr_2.jpg/250px-Fraktionssitzung_Nr_2.jpg)
L Parlamiento ten 20 comissones permanentes custituídas por 28 a 86 deputados cada ua (l que reflete la cumposiçon política de l cunjunto de l Parlamiento), ancluindo ua cadeira, ua mesa i secretariado. Reúnen-se dues bezes por més an público a eilaborar, altarar i aporfilhar las perpuostas legislatibas i relatórios la séren apersentados al plenairo. Ls relatores dun comité son supostamente para apersentar l punto de bista de la comisson, nomeadamente, ambora este nun tenga sido siempre l causo. Ne ls acuntecimientos que cunduziran a la demisson de la Comisson de Santer, l relator fui contra la Comisson de l Cuntrolo Ourçamental an botar l'ourçamiento, i anstou l Parlamiento la rejeitá-la.[1]
Comités puoden eigualmente criar sub-comissones (por eisemplo, la Sub-comisson de ls Dreitos de l Home) i comissones temporárias para tratar dun tema specífico (por eisemplo, subre l'antrega straordinária). Ls persidentes de las Comissones cordenan ls sous trabalhos por meio de la "Cunferéncia de ls Persidentes de las Comissones." Cula co-decison fui antroduzido un oumiento de las cumpeténcias de l Parlamiento an bárias árias, mas percipalmente ls qu'antegran la Comisson de l Meio Ambiente, de la Salude Pública i de la Sigurança Alimentar. Antes esta comisson fui cunsidrada puls deputados cumo ua "Comisson Cinderella", inda assi, ua beç que ganhou ua nuoba amportança, tornou-se mais profissional i rigorosa, atraindo mais i mais l'atençon pa ls sous trabalhos.
Las delegaçones de l Parlamiento son formadas de forma semelhante i ye respunsable pulas relaçones culs parlamientos fura de la UE. Eisisten 34 delegaçones cumpuostas por cerca de 15 deputados, i tamien puls persidentes de las delegaçones para coperáren nas cunferéncias. Eilhas ancluen "Delegaçones anterparlamentares" (manter relaçones cul Parlamiento fura de la UE), "de las comissones parlamentares mistas" (mantendo relaçones culs parlamientos de países que son candidatos ó associados de la UE), la delegaçon a la Assemblé Parlamentar Paritária i la delegaçon a la Assemblé Parlamentar Ouro-Mediterránica. Ls deputados tamien partecípan an outras atebidades anternacionales, cumo l'assemblé Parlamentar Ouro-Latino-Amaricana, l Diálogo Trasatlántico de Legisladores i atrabeç d'ouserbaçon eileitoral ne ls países terceiros.
Segue-se ua lista de las Comissones de l Parlamiento Ouropeu (Dados de Outubre de 2007) [2]
Persidente
[eiditar | eiditar código-fuonte]![](https://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)
L Persidente, atualmente Jerzy Buzek, ourodeputado de l PPE, ye eissencialmente l'ourador de l Parlamiento. El preside la sesson, quando el stubir an sesson i l'assinatura de l Persidente ye neçaira para todos ls atos aprobados pul porcesso de co-decison, ancluindo l'ourçamiento de la UE. L Persidente tamien ye respunsable pula repersentaçon de l Parlamiento sternamente, anclusibe an questones jurídicas, bien cumo pa l'aplicaçon de las regras de procedimiento. El ye eileito por dous anhos i meio, l que senefica dues eileiçones por legislatura.
Na maiorie de ls países, l protocolo de l Xefe de Stado ben antes de todos ls outros, inda assi na UE, l Parlamiento stá listado cumo la purmeira anstituiçon i, antoce, l protocolo de sou Persidente ben antes de qualquiera outro protocolo ouropeu ó nacional.
Ua série de notables figuras fúrun Persidentes de l Parlamiento. L purmeiro persidente fui Paul-Heinri Spaak, deputado i un de ls fundadores de la Ounion Ouropeia. Outros fundadores ancluen Alcide de Gasperi i Robert Schuman. dous éran de l sexo femenino: Simone Beil eileita an 1979 (purmeira Persidente de l Parlamiento eileita) i Nicole Fontaine, deputada, an 1999.
Durante l'eileiçon dun Persidente, la sesson ye presidida pul mais antigo nembro de l Parlamiento. An 2004 i 2007, esta fui presidida por Giobanni Berlinguer. Anquanto l nembro mais idoso stá na cadeira persidencial, detén todos ls poderes de l Persidente, mas la única ampresa que puode ser abordada ye l'eileiçon de l nuobo Persidente.
Ambaixo de l Persidente, hai 14 bice-persidentes, que presiden a debates, quando l persidente nun stá na Cámara. Hai ua série d'outros uorganos i cargos respunsables pula geston de l Parlamiento para para alhá destes. Ls dous percipales ourganismos son la Mesa, que ye respunsable pulas questones ourçamentales i de geston, i la Cunferéncia de ls Persidentes, que ye un uorgon cumpuosto puls persidentes de cada un de ls grupos políticos de l parlamiento.
Lista de persidéncias
[eiditar | eiditar código-fuonte]La tabela seguinte apersenta todas las persidéncias de las anstituiçones de la Ounion Ouropeia. Para ber ls persidentes de l Parlamiento Ouropeu, cunsulte la sesta coluna.
Modelo:Persidéncias de las Anstituiçones de la Ounion Ouropeia
Refréncias
Ber tamien
[eiditar | eiditar código-fuonte]- Secretariado de l Parlamiento Ouropeu
- Partido político ouropeu
- Deputados de Pertual ne l Parlamiento Ouropeu (2004-2009)