آقاجان فیوج‌زاده
آقاجان فیوج‌زاده
|
آقاجان فیوج زاده مازرونی نوازنده بی‌یه که سرنا بزوئن استاد بی‌یه.
آقاجان ۶ تیرماه ۱۳۱۲ شمسی، تنگ لته مله، ساری شهرستان دله، اتا مهاجر خانواده میون دنیا بموئه. وه نوجوونی جه لله‌وا بزوئن ره شروع هاکرده و کم‌کم سرنا ره شه اصلی ساز وسّه هوجی‌یه و کربلایی علی جان و محمدقلی شاگردی پلی سرنا بزوئن ره سر گیرنه. آقاجان فیوج زاده علایده بر سرنا، ضرب و دسرکوتن ره هم خار-خار زوئه. ونه گت‌ته برار، مصطفی علیزاده فیوج زاده، کمونچه و دسرکوتن ساز ره زنده.[۱][۲]
آقاجان فیوج زاده‌یِ سازِ نوا، احمد محسن پور همراهی، کاست بینه و «سرنای مازندران» نوم جه تنک بئی بینه. آقاجان تا زنده بی‌یه، چندین جایزه بیته و تجلیل بیّه و لیلم و فجر جشنواره دله ساز بزو.[۱]
آقاجان روز ۲۱ خرداد ۱۳۹۷ بمرده و وه ره لله وا ونگ جه تشیع هاکردنه و مرمت قورستونی چال هاکردنه.[۳]
منابع[دچی‌ین]
- ↑ ۱٫۰ ۱٫۱ «پیشکسوت سرنانواز مازندران». موسیقی ایرانیان، ۲۳ام خرداد ۱۳۹۷.
- ↑ شابلون:خور منبع
- ↑ شابلون:خور منبع
بریم بگردستن[دچی‌ین]
- ونه صفحه، بیپ‌تونز دله
- موسیقی رقص های مازندران، ماهور سایت دله