نو هارد فیلینگز

نو هارد فیلینگ‌ز که یعنن شه ره سخت نی (انگلیسی جه: No Hard Feelings) اتا آمریکایی کومدی فیلم هسته که سال ۲۰۲۳ جین استوپنیتسکی بساته. این فیلم دله جنیفر لارنس و اندرو بارت فلدمن اصلی نقش دارنه.

آسنی

اتا کیجا که بی‌بند-بار آدم هسته، شه ماشین ره از دست هادا و خانه هر تی هسته، پول جمع هاکنه که ماشین بیره. وه اتا آگهی وینده که اتا پول‌دار زنا-شی خانّه شه ریکا وسّه اتا کیجا-رفخ استخدام هاکنن. وه شونه وینده این ریکا خله خجالتی آدِم هسته و ونه پییر-مار خانّه ات کیجا ونه وسّه تور هاکنن که دانشگاه نشی په، اقلاً ات کش گایش هکنه. وشون این کیجا ره استخدام کانّه و شرط کنّه که اگر وشون ریکا جه بخته، اتا ماشین وه ره مِزد دِنّه.

کیجا خله تلاش کنده که ریکا ره لا دله بکشه و وه ره تن هاده ولی هر صوه ات چی باعث وونه که وشون کار عقب دکفه تا این که ریکا سرصاب وونه که ونه پییر-مار اینتی چی هاکردنه و ناراحت وونه. ولی این میونه، کیجا دل ونه وسّه سوجنه و ونجه وه ره خش اِنه و اینتی دِباره سعی کنده که ونجه این صوه واقعی، رفخ بوو...