Chickasaw
![](https://upload.wikimedia.org/wikipedia/commons/thumb/e/ec/Chickasaw_portraits.jpg/300px-Chickasaw_portraits.jpg)
'E Chickasaw (ca chiammano a lloro stesse Chikasha) songo na tribbú nativa mericana (d’’o truonco hoka-sioux), 'o nomme lloro pô vení o 'a "chikasha" ca vô dicere "rebbello" o 'a 'e "descennnente 'e Chiksa", nu perzunaggio mitico ca originaje 'a tribú. Se sparte 'int'a duje gruppe: Impsaktea e Intcukwalipa. Campavano recenalmente 'int' ô Mississippi e a ll' Alabama settentriunale e 'int' ô Tennessee occidentale, addò se trova 'a cità ca mo se chiamma Memphis. Song' attaccate lenguistecamente ê Choctaw 'e Creek, 'e ll'Alabama 'e ll'ati tribbú muschogeane. Fujeno purtate a Oklahoma pe 'o Sentiero d’’e llacreme dint' a ll'anne 1838 e 1839 nzieme ê Cherokee, ê Choctaw, ê Creek, e ê Seminole, 'e accussì se dicettero 'e Cinche tribbù civile. "Oklahoma" è nu nomme chickasaw, vô dicere "gente rossa".
Demografia
[cagna | cagna surgente]Ô 1560 nce stevano quase 8000 perzone chickasaw. 'E mmalatie e 'e gguerre 'e facettero scennere a 5000 ô 1600, a 1200 ô 1786, ô 1820 però aumentajeno a 3500 e a 6068 ô 1832. Ô 1900 se cuntajeno 5652 inniane pure, 4600 nire e 650 meticcie; ô 1950 se cuntavano attuorno a 9000 (5350 a ll'Oklahoma) e a â fine 'e ll'anne '90 se cuntajeno 19000 chickasaw. Seconno 'o censimento 'e ll'inniane d’’e State Aunite d’’o 2000, nce stevano 20887 chickasaw pure, 3014 miembre c'attuccano pure a ati ttribbú, 12025 chickasaw c'attuccano a ati ggenimme e 2425 cickasaw 'e ati ttribbú e ate ggenimme. 'Ntotale, nce songo 38351 perzone chickasaw. Seconno 'e ccifre d’’a BIA d’’o 1995, a ll'Ardmore Agency d’’a Reserva Chickasaw, nc'erano 23036 abetante (d’’e 34000 miembre nscritte).
Costume
[cagna | cagna surgente]Campajeno 'int'a ll'area 'e Memphis, 'o sito centrale lloro, dint' ê casale irregulare granne quanto seje chilometre, fujeno cunnesse nfra 'e lloro cu 160 miglie 'e vie.
Associavano 'e putere supreme ô cièlo, ô sole e ô ffuoco; dicevano ca 'o ddio d’’o sole, Ababinili, levaje 'a miezo 'a scuritate e mannaje ll'uommene â terra a piantà 'o ggranone. Ati ddii erano Hattuk Ishtohcollo, dio buono, e Hattuk Ookproose, dio malamente.
Voci correlate
[cagna | cagna surgente]Ati pruggette
[cagna | cagna surgente]Wikimedia Commons contiene fiùre o ate file ncopp"a Chickasaw