Bissing
De Bissing is een joarmarkt in Ommen. Disse joarmarkt rond den twieden dinsdag in juli wordt al eholden sinds 1557. Vrögger duurden de bissing 3 dagen. Op moandag begunt et met et luuden van et Bissingklokje. Dat was veur de kooplieden et teken dat zie un standploatse mot zien te bemachtigen. Dinsdags war de grote joarmarkt en woensdag was de twiede dag van de joarmarkt en was al wat rustiger. Met de Bissing was er altied karmis en ok de cafés wurd goed bezocht.
![](https://upload.wikimedia.org/wikipedia/commons/thumb/8/8e/Bissing_1906.jpg/220px-Bissing_1906.jpg)
D'r bunt altied onmundig viel leu op de Bissing af ekommen, niet allenig uut Ommen en de buurschappen, moar uut de wiede omgeving. In een beschrieving van Ommen uut 1830 steet: De toevloed van menschen is voor zulk een kleine plaats verbazend groot, komende koopers en verkoopers uit zeer afgelegen gewesten hier te samen. De meeste huizen zijn alsdan in herbergen herschapen omdat de gewone logementen op lange na niet kunnen toereiken tot verblijf van de menigte vreemdelingen.
Umdat de karke anstoot nam an het drankgebruuk en et karmisvertier hebt ze de gemiente in 1918 zo var ekregen um de karmisse te verbieden. Pas in 1954 kwam er weer karmisse op veursproak van de VVV, de middenstanders en karmisexploitanten.
Im de joaren 70 is de Bissing uutegruid tot een groot spektakel dat n helen zommer duurt. D'r bunt now pröttelmarkten, karmis, muziek, een wielerronde en völle meer. De olderwetse joarmarkt hef zien functie verloorn en is now folklore geworden.