Google Streetview
![](https://upload.wikimedia.org/wikipedia/commons/thumb/9/99/GoogleStreetViewinHoogeveen.jpg/250px-GoogleStreetViewinHoogeveen.jpg)
Google Street View is ne mobilemappingdeenst van Google Inc.. Hiermet köant leu op internet 360°-panorama-foto's opvroagen van stroatanblikken. De deenst volget Google Maps en Google Earth en wör vrie egewen op 25 mei 2007.
Um de foto's te maken jag der nen auto met google-beeldmoark en ne zwoare kamera op et dak duur de stroaten. Um ook op steas te kommen woer as auto's neet kommen magt, gebrok Google mangs ook fietsen. Disse köant in natuurpärke of toeristiese zeensweardigheden komen. (Pret)pärke zo as in Nederlaand De Efteling, Apenheul, Attractiepark Slagharen, Dolfinarium Harderwijk, Walibi Holland, Duinrell, Nasjonaal Park De Hoge Veluwe, Avonturenpark Hellendoorn en et Nederlands Openluchtmuseum komt der op met nen Streetview Trike.
Op den komputer kan den internetbezeuker roondgoan met de pielknöpkes of duur met den moes te klikken op pielkes wat in beeld komt. Iej köant de foto's in verskeaidene gröttes bekieken en vanoet meardere richtinge en heuke.