Inleesapperaot
n Inleesapparaot (oek wel: aoftaster of scanner eneumd) is n apparaot waormee'j teksten, grafieken, plaotjes en aander drokwark in de komputer in kunnen lezen, dit wörden dan ummezet in data. Disse data kan op n opslagmedium ezet wörden, hier ku'j t veerder bewarken, naokieken of deursturen naor n aander. Op kantoren wörden zo'n inleesapparaot vake gebruukt um dokumenten in A4-formaot, in kleur of zwart-wit, in te voeren. Vake he'j n aofdrokapparaot, fax, kopieermasine en inleesapparaot in ene.
Mit n inleesapparaot ku'j plaotjes en teksten digitaliseren (op de komputer zetten), t wörden dan ummezet in 1'en en 0'en, zodat de komputer t lezen kan. Digitale plaotjes in kleur, griestinten of zwart/wit ku'j dan bewarken mit n spesiaal programma, opslaon, op internet zetten, aofdrokken of per netpost versturen.
Uutgaonde verwiezingen
[bewark | bronkode bewarken]
|
Commons: inleesapparaoten - plaatjes, filmkes en/of gelüüdsbestanden. |
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |