Hosterbeek

Hosterbeek
Laag	Neddersassen
Stroomsystem	Elv
Läng	9,8 km
Afströömrebeed	39,53 km²
Born	bi Olendörp Siedlung
Münn	bi Host in de Oost
Waterkenntall	DE: 59872
linke Blangenströöm	Olendörper Beek
rechte Blangenströöm	Heinbockel-Düünbeudeler Beek
schippbor	-
Seen	-
Hosterbeek bi Himmelpoorten

Hosterbeek in Host

Lütt Schöppwark an de Münn von’n Brandmoorgraven in’n Hosterbeek

De Hosterbeek oder ok Möhlenbeek is en 9,8 Kilometer langen Beek in’n Landkreis Stood, de bi Host von rechts in Oost münnt.

De Borns von’n Hosterbeek sünd bi Siedlung Olendörp in dat Hoge Moor. Von dor flütt he na Noordoosten un is bi Sunn to de Sunner Seen opstaut. Denn flütt de Beek op Kuhla to un nimmt dor von links den Olendörper Beek op, de sien Born an’n Süüdrand von Olendörp hett (Afströömrebeed: 6,03 km²). Kort na Kuhla nimmt de Beek tosätzlich von rechts den Heinbockel-Düünbeudeler Beek op, de sien Born twüschen Heinbokel un Düünbeudel hett (Afströömrebeed: 9,65 km²). Bi Neekuhla dreiht de Hosterbeek bilütten na Noord un Noordwest. In Himmelpoorten hett de Hosterbeek fröher Wehbers Möhl andreven. Achter Himmelpoorten flütt de Beek twüschen Burweg un Bredenwisch langs un münnt denn bi Host in de Oost. Dit letzte Enn in de Masch is ok indiekt un hett en lütt Schöppwark an de Münn.

Weblenken

Hosterbeek. Mehr Biller, Videos oder Audiodateien to’t Thema gifft dat bi Wikimedia Commons.