(951) Gaspra
| (951) Gaspra | |
 | |
| Egenschoppen vun’n Orbit (Simulatschoon) | |
|---|---|
| Orbitklass | Hööftgördel |
| Grote Halfass | 2,210 AE |
| Perihel — Aphel | 1,826 — 2,594 AE |
| Bahnexzentrizität | 0,1737 |
| Bahnnegen gegen de Ekliptik | 4,107 ° |
| Ümlooptiet | 3,98 a |
| middlere Bahnsnelligkeit | 18,2 km/s |
| Physikaalsch Egenschoppen | |
| Dörmeter | 18,2×10,5x8,9 km |
| Masse | 1015 kg |
| Rotatschoonsduer | 7,042 h |
| Albedo | 0,246 |
| Historie | |
| opdeckt vun | G. N. Neuimin |
| an’n | 30. Juli 1916 |
| in | Simejis |
| Annere Beteken | A916 OJ, 1955 MG1, A913 YA |
(951) Gaspra is en Asteroid ut den Hööftgördel, de an’n 30. Juli 1916 vun den russ’schen Astronom Grigori Nikolajewitsch Neuimin in Simejis an de Krim-Steernwacht opdeckt worrn is. Nöömt is de Asteroid na dat Seebad Haspra op dat Halfeiland Krim, woneem de Schriever Leo Tolstoi lange Tiet leevt hett[1].
De Asteroid is an’n 29. Oktober 1991 vun de Ruumsond Galileo besöcht worrn. De Sond is in en Afstand vun 1.600 km an em vörbiflagen un hett em dorbi fotografeert un utmeten. Disse Misschoon weer de eerste vun ehr Oort, dör de Informatschonen över en Asteroid sammelt un he ut de Neeg fotografeert worrn is.
Dorbi hett sik wiest, dat (951) Gaspra en unregelmatige Form opwiest mit Afmeten vun ruchweg 18 x 11 x 9 km³ is. De Böverflach wiest tallrieke Inslagkraters. Jemehr Öller un Verdelen lett dorop sluten, dat de Asteroid en Öller vun ruchweg 200 Millionen Johren hett. Vergleken mit de 4,5 Millionen Johren vun dat Sünnsystem is dat teemlich jung. Dormit is antonehmen, dat (951) Gaspra en Stück vun en grötteren Körper is, de vör 200 Mio. Johren bi en Kollision tweibroken is.
Kiek ok
[ännern | Bornkood ännern]Borns
[ännern | Bornkood ännern]- ↑ Dictionary of Minor Planet Names, Springer-Verlag; afropen an’n 11. September 2019