Albert Ramon
Albert Ramon (* 1. November 1920 in Brugge; † 21. März 1993 in Eeklo) weer en belgisch Radrennfohrer.
Albert Ramon weer Profi-Radrennfohrer van 1941 bit 1951. 1946 wunn he de Gesamtwertung vun de Belgien-Rundfohrt, deren Verloop ünner störmisch Wedder lieden dee, so dat vun 140 Starter man blots 19 dat Teel recken deen. 1947 wunn he den Nationalen Sluitingsprijs un keem in dat sülvig Johr bi de Belgien-Rundfohrt up den tweeten Platz achter Maurice Van Herzele. 1948 wurr he bi de Flannern-Rundfohrt Tweet achter Briek Schotte. 1949 wunn he dat Rennen Paris–Tours un een Johr later wurr he belgisch Meester in dat Straatenrennen.
Ramon kunn sien Qualitäten as Rennfohrer wiels de Besattenstiet in den Tweeten Weltkrieg nich entfalten. 1943 keem he in den Fokus vun de Gestapo un drüff kien Rennen fohren; as he as Dwangsarbeiter intrucken wurrn sull, is he afdüükt. Statt hüm hett man denn sien Vader verhaft.
1951 wurr Albert Ramon bi en Rennen in Waarschoot vun en Auto anfohren un so swoor besehrt, dat man um sien Leven bang weer. 17 Mal hett man hüm opereeren musst. Fausto Coppi hett hüm an dat Krankenbett besöcht un hüm en vun den Paapst segnet Kett schunken. Ramon is woll weer gesund wurrn, aber sien Been sünd lahm bleven un he muss in’ Rullstohl sitten. He is an’ 21. März 1993 an en Hartthromboos storven, as he sück in’t Feernsehn Mailand–Sanremo ankieken dee.
Literatur
[ännern | Bornkood ännern]- Herman Laitem, Jozef Hamels: De Tricolore Trui. 1882–2007. 125 Jaar Belgische Kampioenschappen. Pinguin Productions u. a., Balegem u. a. 2008, ISBN 978-90-73322-21-9, S. 120f.