Boris Gelfand

Boris Gelfand (hebrääsch בוריס גלפנד, wittrussisch Барыс Абрамавіч Гельфанд Barys Abramawitsch Helfand, russisch Борис Абрамович Гельфанд Boris Abramowitsch Gelfand; * 24. Juni 1968 in Minsk) is en ehmalger wittrussisch Schachmeester, de nu för Israel speelt. Hüüd wahnt he in Rischon LeZion.

Loopbahn

Midden vun de 1980er Johren wurr Gelfand in de Schachwelt bekannt, an Enn' vun 1980er keemen de eerst groot Erfolge un siet Anfang vun de 1990 Johren tellt he düersam to de Schachelite. 1985 wurr he sowjeetsch Meester vun de Jöögd, 1988 wunn he gemeensam mit Alexei Drejew de Jöögdeuropameesterschap in Arnem. Den Grootmeestertitel kreeg he vun de FIDE in dat Johr 1989. Gelfand wunn gemeensam mit Wassyl Iwantschuk dat Interzonenturnier vun Manila in dat Johr 1990 und qualifizeer sück eerstmals för dat Kandidatenturnier. He is denn aber in den Veertelfinalwettkamp (Brüssel 1991) gegen den lateren Winner vun de Kandidatenkämpen, den Engländer Nigel Short mit 3-5 (+2, -4, =2) utscheeden. 1993 wunn Gelfand bi dat Interzonenturnier in Biel/Bienne un qualifizeer sück weer för Kandidatenkämpe. Hier leep dat all beter. Nahdem he tonächst Michael Adams mit 5-3 (+3, -1, =4) in Wijk aan Zee 1994 besiegt harr, wunn he ok noch gegen den lateren Weltmeester Wladimir Kramnik mit 4,5-3,5 (+2, -1, =5) (in Sanghi Nagar/Indien 1994). Dat weer nicht verwacht wurrn. Eerst Anatoli Karpow kunn Gelfand mööten, as he hüm mit 6-3 slahn kunn (+1, -4, =4 ut Sicht vun Gelfand, in Sanghi Nagar/Indien 1995).

Ok nahdem de FIDE de klassisch Ermittlung vun den Herutforderer vun den Weltmester, nämlich dör Zonen-, Interzonen- un Kandidatenturniere, afschafft harr, bleev Gelfand wiederhen spoodriek. Bi de eerst FIDE-WM in't K.-o.-System (bi de düütlich weniger Turnierpartien speelt wurr un wo faken eerst Schnell- un Blitzpartien över dat Wiederkommen entscheeden) in Grunneng 1997 keem he bit in dat Halffinale, wo he denn aber gegen Viswanathan Anand ut Indien utscheeden is. 1999 passeer hüm dat gegen den lateren Turniersieger Alexander Chalifman. In New Delhi 2000 verlor he gegen den lateren Alexei Schirow un in Moskau 2001 gegen Pjotr Swidler. An de FIDE-WM in Tripolis 2004 nehm he nich deel, wiel de libysche Staatsführen de israeelsch Schachspeeler eerst nich inreisen laaten deen un denn kört för Turnierbeginn dat doch tolaaten deen, aber Sekundanten nich tolaaten deen.

In' WM-Zyklus 2006/2007 gung man siedens de FIDE weer up den Modus vun de Kandidatenturniere torüch. Gelfand harr sück bi de FIDE-Weltpokal 2005 in Chanty-Mansijsk (RUS) dorför qualifizeert. De funnen denn in' Mai un Juni 2007 in Kalmückien (RUS) statt, wo he dör Siege över Rustam Kasimjanov un Gata Kamsky denn to de acht Speler hörrn dee, de in' September an der Schachweltmeesterschap 2007 in Mexiko-Stadt deelnehmen deen. In dat Rundenturnier (jeder gegen jeden mit Hen- un Rückrunn) keem he up 8 Punkten ut 14 Spelen. Dormit keem he up Platz 3 achter Viswanathan Anand un Wladimir Kramnik, wat bit dorhen sien gröttste Spood bi en Weltmeesterschap weer. In' Dezember 2009 wunn he den Schach-Weltpokal in Chanty-Mansijsk; in't Finale hett he sück dorbi in' Steekkamp gegen Ruslan Ponomarjow dörsett un dordör sück für dat Kandidatenturnier 2011 in Kasan qualifizeert. Dat Turnier wunn he denn nah Siege över Şəhriyar Məmmədyarov, Gata Kamsky un in't Finale över Alexander Grischtschuk. Dormit harr he dat Recht erwurben, bi de Schachweltmeesterschap 2012 Weltmeester Viswanathan Anand heruttofordern. Den Weltmeesterschapskamp hett he denn aber in' Mai 2012 nah en Tie-Break gegen Anand verloren.

Zgelfand hett aber nich blots um de Weltmeesterschap kämpft, sonner hett ok anner Turniere wunnen, so to'n Bispeel in Moskau 1992, Dos Hermanas 1994, Belgrad 1995, Wien 1996, Polanica Zdrój 1998 un 2000, Cannes 2002 as ok up Bermuda 2005. Gelfand wunn buterdem 2002 dat Schnellschachturnier in Cap d’Agde. Bi de Schacholympiaden hett he 1990 för de UdSSR-Utwahl, 1994 un 1996 för Wittrussland speelt. 1998 is he nah Israel utwannert un siet dem ok de Spitzenspeler vun de israeelsch natschonalmannschap. Mit de wunn he 2008 de Sülvermedaille bi de Schacholympiade. All tosommen hett he bi negen Schacholympiaden 53 Punkte ut 88 Partien halt. Gelfands hööchste Platzeeren in de Weltranglist weer Platz 3 in' Juni 1991. För de Saison 2007/2008 weer he in de Schachbundsliga för den SC Remagen meldet, keem aber nich to'n Insatz.

Privatleven

Gelfand is mit de Journalistin Maya verheiraadt. Mit hör hett he een Dochter (* September 2005) un een Söhn (* 2011).

Warken

• B. Gelfand: My most memorable games. Edition Olms, Zürich 2005. ISBN 3-283-00453-6

Weblenken

Boris Gelfand. Mehr Biller, Videos oder Audiodateien to’t Thema gifft dat bi Wikimedia Commons.

• FIDE-Koort
• DNB Katalog
• Schachpartien vun Boris Gelfand up chessgames.com (engelsch)
• Ulrich Stock: Boxer sind wir nicht, Interview mit Boris Gelfand, ZEIT Online, 26. April 2012