Eddie Lang
![](https://upload.wikimedia.org/wikipedia/commons/thumb/1/1d/Guitar_of_eddie_lang_L5.jpg/220px-Guitar_of_eddie_lang_L5.jpg)
Eddie Lang (* 25. Oktober 1902 in Philadelphia, Pennsylvania; † 26. März 1933 in New York City, eegentlich Salvatore Massaro) weer en US-amerikaansch Jazz-Musiker. He gellt as de eerste Virtuose vun de Jazz-Gitarr un droog to sien Tiet den Ökelnaam „Mr. Guitar“.
Mit elf Johren harr Lang Geigenünnerricht. Een vun sien Schoolfrüenden weer de Geiger Joe Venuti, mit de he later faken tosommen uptreden is. All fröh verdeen Lang sien Geld as Profimusiker; he speel Geige, Banjo un Gitarr. He weer Liddmaat vun verscheden Bands in’n Noordoosten vun de USA. Enn‘ 1924 bit Anfang 1925 hett Lang in London arbeit un leet sück denn in New York daal.
Lang speel mit Venuti in‘ Duo, in de Blue Four (ünner annern mit Frank Trumbauer) un 1931 in en gemeensam leit All-Star-Band (mit Benny Goodman un Jack Teagarden). Buterdem arbeit he bi Louis Armstrong, Adrian Rollini, Roger Wolfe Kahn un Jean Goldkette. 1929 keem he to dat Orchester vun Paul Whiteman. Mit Venuti harr he 1930 en körten Upträe in Whitemans Film The King Of Jazz.
As Bing Crosby vun Whiteman weggahn is, gung Lang as Begleitmusiker mit hüm. Mit Crosby harr he 1932 en Upträe in de Film The Big Broadcast. Ünner dat Pseudonym Blind Willie Dunn hett Lang en Rieg vun legendären Duo-Upnahmen mit den Blues-Gitarristen Lonnie Johnson makt. Eddie Lang is mit blots 30 Johren an de Folgen vun en Mandeloperation storven. Eddie Langs Speel gellt as en vun de wichtigst stilistisch Inflooten up Django Reinhardt.
Sammlung
[ännern | Bornkood ännern]- The Classic Columbia and Okeh Joe Venuti and Eddie Lang Sessions – 1926–1955 - (Mosaic – 2002) – 8 CDs mit Jack Pettis, Bix Beiderbecke, Frank Trumbauer, Jimmy Dorsey, Arthur Schutt, Don Murray, Red McKenzie, Adrian Rollini, Vic Berton, Frank Signorelli, Eddie Condon, Fud Livingston, Gladys Bentley, Victoria Spivey, King Oliver, Omer Simeon, Clarence Williams, Eva Taylor, Tommy Dorsey, Blind Willie Dunn, Texas Alexander, Lonnie Johnson, Louis Armstrong, Jack Teagarden, Happy Caldwell, Joe Sullivan, Kaiser Marshall, Bessie Smith, Hoagy Carmichael, Paul Whiteman, Bing Crosby, Jimmy McPartland, Tony Parenti, Harold Arlen, Red Nichols, Carl Kress, Dick McDonough, Benny Goodman, Bud Freeman, Pee Wee Erwin, Bunny Berigan
Literatur
[ännern | Bornkood ännern]- Adriano Mazzelotti: Eddie Lang – Stringin’ The Blues
- Maurice Summerfield: The Jazz Guitar – Its evolution and its players (engelsch). Ashley Mark Publishing 1978. ISBN 0-9506224-1-9