Flagg vun Mosambik
![](https://upload.wikimedia.org/wikipedia/commons/thumb/d/d0/Flag_of_Mozambique.svg/220px-Flag_of_Mozambique.svg.png)
![](https://upload.wikimedia.org/wikipedia/commons/thumb/b/b1/Flag_of_Mozambique.jpg/220px-Flag_of_Mozambique.jpg)
De Flagg vun Mosambik foot up en olt Flagg vun de Freeheitsbewegen FRELIMO (Frente de Libertação de Moçambique). De wedderum is vun de Farven vun de Südafrikaansch Freeheitsbewegen ANC inspireert wurrn. De Farven hemm dorbi folgen Bedüüden:
- Gröön steiht för de Landwertschap
- Swaart sall den swaarten Kontinent dorstellen
- Geel steiht för den Ierzriekdom vun dat Land
- Witt is stellevertredend för Gerechtigkeit un Freeden
- Root erinnert an den revolutschonären Kamp gegen den Kolonialismus
De Kalaschnikow mit Bajonett in dat Emblem steiht för Verteedigung un Waaksamkeit, de Hacke för Buern un deren Ertüügnisse un dat Book för de Bildung. De Steern steiht för den Geist vun den Internatschonalismus, in de sück dat Land weerfinnen deiht.
De Flagg wurr an' 1. Mai 1983 offiziell inführt un hett dorbi de Vörgängerversion aflööst, de de glieker Farven un ähnliche Symbole bruuken dee un 1975 inführt wurr.
De faken mit swaart un/oder witt kombineert Farven root-geel-gröön sünd de panafrikaansch Farben, de up völ afrikaansch Flaggen to finnen sünd.
Historie
[ännern | Bornkood ännern]![](https://upload.wikimedia.org/wikipedia/commons/thumb/c/c3/Alfredo_Pereira_de_Lima.jpg/220px-Alfredo_Pereira_de_Lima.jpg)
Wiels de kolonial Tiet wurr in dat dormalig Portugeesch-Ostafrika de Flagg vun Portugal bruukt. 1967 geev dat en Vörslag för de Kolonien to de Flagg vun Portugal dat jewielige Wappen vun de Kolonie antofügen.
Wiels de Vörbereitungen to de Unafhängigkeit wurr de FRELIMO-Flagg neben de portugeesch Flagg sett. Mit dat Entlaaten in de Unafhängigkeit wurr en nee Flagg annommen. 1982 hett man dat Wappen vun Mosambik ännert, wiel aber 1983 all en nee Flagg inführt wurr, is de Wohrschienlichkeit groot, dat de Flagg bit dorhen nich ännert wurr. In' April 1983 führ man weer de FRELIMO-Flagg in, de in dat Dreeeck en vereenfackte Form vun dat Staatswappen, as dat ok all in de Flagg vun 1975 to finnen weer, up en Steern dragen dee. Kört dornah hett man dat Emblem noch eenfacker wieder to de hüüdig Version ännert.
Wiedere Flaggen vun Mosambik
[ännern | Bornkood ännern]-
Flagg vun Maputo
Literatur
[ännern | Bornkood ännern]- Whitney Smith, Ottfried Neubecker: Die Zeichen der Menschen und Völker. Unsere Welt in Fahnen und Flaggen. Reich Verlag, Luzern 1975, ISBN 3-7243-0115-4.
Weblenken
[ännern | Bornkood ännern]![](https://upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- Flagge Mosambiks up FOTW (engelsch)