Garrett Wang
![](https://upload.wikimedia.org/wikipedia/commons/thumb/0/05/Garrett_Wang_at_FedCon_2013.jpg/220px-Garrett_Wang_at_FedCon_2013.jpg)
Garrett Richard Wang (Chineesch:
Leven un Loopbahn
[ännern | Bornkood ännern]Wang is in Kalifornien boren worrn, man wegen de wesseln Arbeitssteden vun sien Vadder al fröh veel dör’t hele Land reist. De High School hett he in Memphis, Tennessee, afslaten. Dorna is de Familie opletzt na Los Angeles ümtogen. Dor hett he an de UCLA Asiaatsche Kultur studeert. Sien Professersche Jenny Rountree hett em dorto dorop bröcht, sien schauspelerisch Talent wieter to verfolgen.
Vördem he bekannt worrn is, hett Wang toeerst in eenige Warfspots mitarbeit un speel an’t Theater. 1994 hett he en Gastrull kregen in den Pilotfilm to de Feernsehreeg American Girl. Dat glieke Johr harr he sien Dörbrook in de Star-Trek-Reeg Star Trek: Voyager, in de he den jungen Brüchen-Offizeer Harry Kim speel. He hett in vele unafhangige Filmen mitwirkt över de Johren. In’t Johr 1997 is he vun’t People Magazine ünner de 50 schönsten Minschen vun de Welt wählt worrn. 2001 weer he vun E! to de 20 coolsten Junggesellen tellt.
2007 weer Wang noch mol för Star Trek vör de Kamera, ditmol in de Rull Garan för den Fanfilm Star Trek: Of Gods And Men, bi den Tim Russ Speelbaas weer. En wieter’t Fan-Projekt is för 2013 ünner den Titel Star Trek: Renegades plaant, in den he wedder as Harry Kim optreden schall – wedder ünner de Regie vun Tim Russ.
Filmografie (Utwahl)
[ännern | Bornkood ännern]Johr | Titel | Synchroonsnacker |
---|---|---|
1995 | Angry Cafe | |
1998 | Hundred Percent | |
1999 | The Auteur Theory | |
1995-2001 | Star Trek: Voyager dt.: Star Trek: Raumschiff Voyager |
Michael Iwannek |
2002 | Survival Island dt.: Pinata – Dämoneninsel |
Michael Iwannek |
2009 | The Ride | |
2012 | Rising Sun, Kortfilm | |
2014 | Alongside Night |
Weblenken
[ännern | Bornkood ännern]- Garrett Wang in de Internet Movie Database (hoochdüütsch)