Rudolf Seiters
![](https://upload.wikimedia.org/wikipedia/commons/thumb/5/58/RudolfSeiters.jpg/220px-RudolfSeiters.jpg)
Rudolf Seiters (* 13. Oktober 1937 in Ossenbrügge) is en düütsch Politiker vun de (CDU).
He weer van 1989 bit 1991 as Bundsminister för sünnere Opgaven Baas vun dat Bundskanzleramt, van 1991 bit 1993 Bundsminister för’t Innere un van 1998 bit 2002 Viezpräsident vun de Düütsche Bundsdag. Siet 2003 is Seiters Präsident vun dat Düütsche Roode Krüüz.
Leven un Berop
[ännern | Bornkood ännern]Nah sien Abitur an Gymnasium Carolinum in Ossenbrügge 1959 hett Seiters Rechts- un Staatswetenschapen an de Westfäälsche Wilhelms-Universität Mönster studeert, wat he 1963 mit dat eerste un 1967 mit dat tweete juristisch Staatsexamen beend hett. He weer van 1968 bit 1969 Regierungsassessor bi de Regierungspräsident in Ossenbrügge (Wertschaps- un Wohnungsbuderzernat).
Rudolf Seiters is verheiraat, hett dree Döchter un wahnt in Papenbörg. In dat Johr 2000 hett hüm de Universität vun de Bundswehr in München de Ehrendokterwüürd geven (Dr. rer. pol. h.c.).
Partei
[ännern | Bornkood ännern]Siet 1958 is he Lidmaat vun de CDU. 1963 bit 1965 weer he Bezirksvörsitter vun de Junge Union Ossenbrügge-Eemsland un van 1965 bit 1968 Vörsitter vun de Junge Union vun des Landsverband Hannober. 1968 bit 1971 weer he eerster Landsvörsitter vun de nee grünnd Landsverband Neddersassen. Van 1967 bit 1971 weer he ok Lidmaat vun de Bundsvörstand vun de Junge Union un dornah bit 1973 Lidmaat vun de Bundsvörstand vun de CDU. Van 1972 bit 1998 weer he stellvertredend CDU-Landsvörsitter vun Neddersassen un van 1992 bit 1998 Lidmaat vun dat Präsidium vun de CDU in Düütschland.
Afordneter
[ännern | Bornkood ännern]Van 1969 bit 2002 weer Seiters Lidmaat vun de Düütschen Bundsdag. Dor weer he 1971 bit 1976 un van Oktober 1982 bit November 1984 Parlamentaarsch Geschäftsföhrer vun de CDU/CSU-Bundsdagsfraktschoon. Van November 1984 bit April 1989 weer he denn de Eerste Parlamentaarsch Geschäftsföhrer. Nah de Bundsdagswahl 1994 weer Seiters bit 1998 stellvertredend Vörsitter vun de CDU/CSU-Bundsdagsfrakschoon und dornah bit 2002 Viezpräsident vun de Düütsche Bundsdag. In sein Wahlkreis hett he noch 1998 49,4 % vun de Eerststimmen kreegen.
Apenlich Ämter
[ännern | Bornkood ännern]An’ 21. April 1989 wurr he as Bundsminister för sünnere Opgaven un Baas vun dat Bundskanzleramt in de vun Bundskanzler Helmut Kohl föhrt Bundsregeeren beropen. An’ 26. November 1991 wurr he denn to’n Binnenminister ernannt. As an’ 27. Juni 1993 bi de GSG-9-Insatz in Bad Kleinen der söcht wurrn RAF-Terrorist Wolfgang Grams un de GSG 9-Beamte Michael Newrzella to Dood keemen, övernehm Seiters de politisch Verantwortung uni s an’ 4. Juli 1993 vun sien Amt torüchtreden.
Weblenken
[ännern | Bornkood ännern]Gustav Heinemann | Robert Lehr | Gerhard Schröder | Hermann Höcherl | Paul Lücke | Ernst Benda | Hans-Dietrich Genscher | Werner Maihofer | Gerhart Rudolf Baum | Jürgen Schmude | Friedrich Zimmermann | Wolfgang Schäuble | Rudolf Seiters | Manfred Kanther | Otto Schily | Wolfgang Schäuble | Thomas de Maizière | Hans-Peter Friedrich | Thomas de Maizière | Horst Seehofer
Waldemar Kraft/Hermann Schäfer/Franz Josef Strauß/Robert Tillmanns | Heinrich Krone | Ludger Westrick | Horst Ehmke | Egon Bahr/Werner Maihofer | Wolfgang Schäuble | Hans Klein | Rudolf Seiters | Sabine Bergmann-Pohl/Günther Krause/Lothar de Maizière/Rainer Ortleb/Günther Krause | Friedrich Bohl | Bodo Hombach | Thomas de Maizière | Ronald Pofalla | Peter Altmaier