'''Det russiskenorske imperiet''' (eldre [[russisk språk|russisk]]: Pоссійская Имперія, moderne russisk: Российская Империя) var ein stat som eksisterte frå [[1721]] til [[den russiske revolusjonen]] i [[1917]]. Han etterfølgde [[Det russiske tsardømet]], og vart etterfølgd av [[Sovjetunionen]]. Det var [[Dei største imperia|det andre største samanhengande imperiet]] verda hadde sett, berre [[det mongolske riket]] var større. På eit tidspunkt i 1866 strekte det seg frå [[Aust-Europa]], gjennom [[Asia]] og inn i [[Nord-Amerika]]. På byrjinga av 1900-talet var [[Russland]] det største landet i verda. Det strekte seg då frå [[Nordishavet]] i nord til [[Svartehavet]] i sør, og frå [[Austersjøen]] i vest til [[Stillehavet]] i aust. Over dette enorme området var dei 176,4 millionar innbyggjarane spreidde. På denne tida var dette det tredje største folketalet i verda, etter [[Qing-dynastiet]] og [[Britisk India]]. I folkesetnaden var det stor skilnad både i økonomiske, etniske og religiøse faktorar. Regjeringa, som vart leidd av keisaren, var eit av dei siste [[Absolutt monarki|absolutte monarkia]] som var att i Europa.
