Leine
Leine er ei elv i Niedersachsen og Thüringen i Tyskland og ei av sideelvane til Aller frå venstre med ei lengd på 281 km.
Leine | |||
elv | |||
Leine i Hannover
| |||
Land | ![]() | ||
---|---|---|---|
Nedslagsfelt | 6 512 km² | ||
Lengd | 281 km | ||
Kjelde | Thüringen | ||
Munning | Aller | ||
![]() Leine 51°23′19″N 10°19′13″E / 51.388611111111°N 10.320277777778°E | |||
Wikimedia Commons: Leine (river) |
Ho har sitt utspring nær Leinefelde i Thüringen. Førti kilometer ned i elva renn ho inn i Nidersachsen og vidare nordover. Viktige byar langs elva er Göttingen, Alfeld og Gronau, før elva renn inn i Hannover, den største byen ved elva. Om lag 40 kilometer nord for Hannover, nær Schwarmstedt, munnar elva ut i Aller.
Sjølv om det stundom oppstår flaum i elva, vert det vanlegvis få øydeleggingar. Elva er berre framkommeleg i dei nordlege delane, men i tidlegare tider var ho ei transportåre heilt opp til Göttingen. Elva er noko forureina og vert ikkje nytta til drikkevatn, men er ikkje i så dårleg stand at det ikkje finst fisk her.
Ved Göttingen vert ein del av elva leia inn i ein kanal som går meir eller mindre parallelt til elva.
Kjelder
endre- Denne artikkelen bygger på «Leine» frå Wikipedia på engelsk, den 12. juni 2007.