Tadsjikistan
Tadsjikistan er ein sjølvstendig stat i Sentral-Asia. Det grensar til Kirgisistan i nord, Kina i aust, Afghanistan i sør og Usbekistan i vest. Landet var tidlegare del av Sovjetunionen, og vart sjølvstendig då Sovjetunionen vart oppløyst i 1991. Etter sjølvstendet vart landet på 1990-talet herja av borgarkrig, fram til ein fredsavtale vart underskriven i 1997.
Ҷумҳурии Тоҷикистон (Dzjumhurii Todzjikiston, 'Republikken Tadsjikistan') (norsk: Tadsjikistan, tadsjikisk) | |||||||
---|---|---|---|---|---|---|---|
| |||||||
Nasjonalsong | «Surudi milli» | ||||||
![]() | |||||||
Offisielle språk | Tadsjikisk | ||||||
Hovudstad | Dusjanbe | ||||||
Styresett |
Republikk Emomalii Rahmon Kokhir Rasulzoda | ||||||
Flatevidd – Totalt – Andel vatn |
143 100 km² (95.) 0,3 % | ||||||
Folketal – Estimert (2017) – Tettleik |
8 468 555 (95.) 59,2 /km² (121.) | ||||||
Sjølvstende frå Sovjetunionen |
9. september 1991 | ||||||
Nasjonaldag | 9. september | ||||||
BNP – Totalt (2015) – Per innbyggjar |
23 300 mill. USD (135.) USD (.) | ||||||
Valuta | Somoni | ||||||
Tidssone | UTC +5 | ||||||
Telefonkode | +992 | ||||||
Toppnivådomene | .tj
|
![](https://upload.wikimedia.org/wikipedia/commons/thumb/8/89/Tajikistan_Map_TI-map.gif/320px-Tajikistan_Map_TI-map.gif)
Klima
endreTadsjikistan har eit utprega kontinentalt klima, men med store høgdevariasjonar. Om lag halvparten av landet ligg over 3000 meter over havet, og desse områda er tørre. Sidan Himalaya og Tibetplatået hindrar den indiske monsunen i å strøyme inn over landet, får desse fjellområda det meste av snøen sin frå svake lågtrykk som kjem frå vest. I Pamirfjella kan snøgrensa stige til 5000 m om sommaren. Årsnedbøren er 150-250 mm, men enkelte stader i fjella 800-1500 mm, som stort sett fell som snø.
Ein kan få opp til 20 cm snø enkelte stader i fjella om vinteren, og temperaturen kan av og til bli farleg låg. Temperaturane er derimot litt høgare i låglandet både om vinteren og sommaren. Juli har middeltemperaturar kring 27-30 °C, i januar -1 til -2 °C i dalføra og -20 °C i fjellområda. Av og til kan temperaturen bli så høg som 47 °C i låglandet på grunn av ein lokal austleg vind kalla harmsil.
Kjelder
endreDenne artikkelen treng referansar for verifikasjon. |