Nautisk mil

Nautisk mil (tidlegare også kalla kvartmil) er ei måleeining for lengde som blir brukt i sjø og luftfart. Ei nautisk mil er fastsett til eksakt 1852 meter, om lag lengda på eit breiddeminutt. Eininga er i Noreg tillaten inntil vidare for bruk innan sjø- og luftfart.^[1].

Ei nautisk mil vart opphavleg definert som omkrinsen til Jorda (40 000 kilometer) delt på 360 grader og deretter på 60 (minutt). Ei nautisk mil tilsvarar om lag avstanden nord-sør langs eit breiddeminutt.

${\frac {10000000}{90\cdot 60}}={\frac {10000000}{5400}}=1851,85$ meter.

Ei kvartmil, som er omtrent like lang som ei nautisk mil, er firedelen av den eldre måleeininga sjømil eller geografisk mil, som er på 7 421 meter.

Tidlegare vart ei nautisk mil òg definert lik eit distanseminutt eller ekvatorminutt.

Referansar

↑ FOR 2007-12-20 nr 1723: Forskrift om målenheter og måling, § 2-9. Enheter som er definert uavhengig av SI-enhetene, Lovdata.

[1] FOR 2007-12-20 nr 1723: Forskrift om målenheter og måling, § 2-9. Enheter som er definert uavhengig av SI-enhetene, Lovdata.

[1]