Aristarkh Lentulov
Aristarkh Lentulov | |
![]() Sjølvportrett, 1913 | |
Fødenamn | Аристарх Васильевич Лентулов |
Statsborgarskap | Det russiske imperiet, Sovjetunionen |
Fødd | 14. mars 1882 Novaja Pjatina |
Død |
15. april 1943 (61 år) |
Yrke | kunstmålar, scenograf |
Medlem av | Jack of Diamonds |
Aristarkh Lentulov på Commons |
Aristarkh Vasiljevitsj Lentulov (4. januar 1882–15. april 1943) var ein framståande russisk avantgarde-målar inpsirert av kubismen, som også laga kulissar til teateroppsetjingar.
![](https://upload.wikimedia.org/wikipedia/commons/thumb/f/f1/Lentulov_street-moscow-1910.jpg/220px-Lentulov_street-moscow-1910.jpg)
![](https://upload.wikimedia.org/wikipedia/commons/thumb/5/50/Lentulov_Basil.jpg/220px-Lentulov_Basil.jpg)
![](https://upload.wikimedia.org/wikipedia/commons/thumb/0/05/Lentulov_Nebozvon.jpg/220px-Lentulov_Nebozvon.jpg)
Liv og gjerning
[endre | endre wikiteksten]Aristarkh Lentulov vart fødd i byen Nizjnij Lomov nær Penza. Faren var landsbyprest. Aristarkh studerte kunst ved kunstskular i Penza og i Kiev frå 1897 til 1905, og deretter fekk han i 1906 privatundervisning hos Dmitrij Kardovskij i St. Petersburg.
Han budde i Moskva frå 1909, og var der ein av grunnleggjarane av ei gruppe kunstnarar og utstillarar av avantgarde-kunst. Gruppa var aktiv fram til ho vart oppløyst i 1916.
Åra 1910 og 1911 studerte Lentulov ved ateliera Le Fauconnier og La Palette-akademiet i Paris. Under opphaldet vart han kjend med fleire franske samtidskunstnarar som Albert Gleizes, Jean Metzinger, Fernand Léger og Robert Delaunay. Etter å ha lært seg målings-prinsippa til fauvistane og kubistane, utvikla han sin eigen unike og fargerike målestil. Seinare, etter tilbakekomsten til Russland i 1912, øvde han stor innverknad på det som skulle verte russiske futurisme og i særleg grad kubofuturisme. Vasilij Kandinskij og Kasimir Malevitsj vart begge påverka av Lentulov.
Frå tida før oktoberrevolusjonen var Lentulov involvert i ulike teaterprosjekt, han var scenograf til oppsetjingar ved Kamernij-teateret (Dei lystige konene i Windsor, 1916) og til Aleksandr Skrjabins Prometheus på Bolsjojteateret i 1919.
I 1928 kom Lentulov med i Kunstnarforbundet for Moskva, der han møtte att kunstnarar som han hadde samarbeidd med i åra 1912-16. Han vart leiar for forbundet og starta undervise på den sovjetiske statens kunst og tekniske skule (VKhUTEMAS).
Lentulov døydde i Moskva og er gravlagd på gravlunden Vagankovo.
Kjelder
[endre | endre wikiteksten]- Denne artikkelen bygger på «Aristarkh Lentulov» frå Wikipedia på engelsk, den 7. desember 2009.