Computer Entertainment Rating Organization

Logoen til CERO

Spel som inneheld kjærleik eller romantikk blir merkte med to hjarte på omslaget

Computer Entertainment Rating Organization (特定とくてい非ひ営利えいり活動かつどう法人ほうじん コンピュータエンターテインメントレーティング機構きこう) (forkorta CERO) er ein japansk organisasjon med hovudkvarter i Tokyo som set aldersmerke på dataspel til spelkonsollar i Japan. Organisasjonen vart grunnlagt i 2002 som ein del av Computer Entertainment Supplier's Association og vart offisielt ein ideell organisasjon i 2003. Dataspel som kjem ut på datamaskinar i Japan blir aldersmerkte av ein annan organisasjon, Ethics Organization of Computer Software (EOCS).

CERO bruker fem etikettar for å merkja dataspel etter kva aldersgruppe dei kan eigna seg for:

A er den lågaste aldersgrensa og gjeld spel som eignar seg for alle aldrar. B eignar seg for tolvårige og eldre, C eignar seg for femtenårige og eldre og D eignar seg for syttenårige og eldre. Z er den strengaste og svarar til ei aldersgrense på 18 år. Dataspel med denne aldersmerkinga kan ikkje kjøpast av mindreårige. CERO brukar også ymse symbol som skal informera om spesifikt innhald ein kan venta å finna i eit spel, til dømes vald, sex, kriminalitet eller grovt språk.

Sjå òg

• Entertainment Software Rating Board
• Pan European Game Information

Bakgrunnsstoff

• Offisiell nettstad

Commons har multimedium som gjeld: Computer Entertainment Rating Organization