Håkon Storstein
Håkon Storstein | |||
![]() | |||
Fødd | 10. juni 1822 | ||
---|---|---|---|
Død | 20. oktober 1908 (86 år) | ||
Statsborgar av | Noreg | ||
Yrke | politikar, fyrvaktar | ||
Alle verv |
|
Håkon Johannesson Storstein (10. juni 1822–20. oktober 1908) var ein norsk lærar, gardbrukar, fyrvaktar og stortingsmann frå Skåre i Rogaland. Ole J. Storstein var bror hans.
Far hans var gardbrukar på Storstein i Skåre. Sjølv var han lærar i folkeskulen i heimbygda frå 1842 til 1856. Han overtok farsgarden i 1855 og dreiv denne til 1890. I 1877 vart han fyrvaktar på Røvær, ei stilling han hadde til han døydde.
Storstein var medlem av formannskapet i Skåre frå 1851, ordførar året etter. Elles var han forlikskommissær, presten sin medhjelpar og frå 1872 styreformann i sparebanken. Vidare var han formann i matrikkelkommisjonen i heradet.
Storstein var stortingsmann frå 1862 til 1882, heile tida som representant for Stavanger amt. Han var i alle år medlem av tollkomiteen, i si siste valperiode var han sekretær i komiteen. 1871-82 var han også medlem av valkomiteen. Han var elles medlem av hamnearbeidskommisjonen.
Storstein døydde på Røvær i Skåre i 1908.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Håkon Storstein NSD Norsk senter for forskningsdatas politikararkiv
- Einskildmenn
- Fødde i 1822
- Døde i 1908
- Stortingsrepresentantar 1862-1864
- Stortingsrepresentantar 1865-1867
- Stortingsrepresentantar 1868-1870
- Stortingsrepresentantar 1871-1873
- Stortingsrepresentantar 1874-1876
- Stortingsrepresentantar 1877-1879
- Stortingsrepresentantar 1880-1882
- Stortingsrepresentantar for Rogaland
- Ordførarar i Skåre
- Folk frå Haugesund