Hildur

Hildur er eit kvinnenamn som har komme via islandsk frå norrønt Hildr. Dette var namnet til ei valkyrje i norrøn mytologi. Namnet tyder 'strid', og ei anna form av same namnet er Hild.

Hildur og Hild har i Noreg namnedag 18. januar.

Bruk

Bruken av namnet i Noreg

Namnet var ein god del bruka rundt førre hundreårsskifte, men frå midten av 1920-åra har bruken av namnet gått attende, og i siste halvdelen av 1900-talet var det få jenter som fekk dette namnet.

• I folketeljinga frå 1801 var namnet ikkje registrert.
• I 1900 var 1358 listeførte med namnet i formene Hildur eller Hildor, ei heitte Hildør.
• I 2008 hadde 1768 kvinner Hildur til første fornamn,

Kjende namneberarar

• Hildur Andersen (1864–1956), norsk pianist
• Hildur Hult (1872–1904), svensk biletkunstnar
• Hildur Emma Dixelius (1879–1969), svensk forfattar
• Hildur Os (1913-2009), norsk politikar (Ap)
• Hildur Krog (f. 1922), norsk botanikar
• Hildur Alice Nilsson (f. 1924), svensk musikar og skodespelar betre kjend som Alice Babs
• Hildur Horn Øien (f. 1940), norsk politikar
• Hildur Jackson (f. 1942), dansk forfattar og miljøvernar
• Hildur Vestergaard (f. 1968), færøysk politikar
• Hildur Bjarnadóttir (f. 1969), islandsk biletkunstnar
• Hildur Ársælsdóttir (f. 1980), islandsk musikar i bandet Amiina
• Hildur Guðnadóttir (f. 1982), islandsk cellist
• Hildur Vala Einarsdóttir (f. 1982), islandsk Idol-deltakar

Kjelder

• Olav Veka: Namneboka, Det Norske Samlaget 1991

• Søk etter norsk namnestatistikk for Hildur hjå Statistisk Sentralbyrå

Bakgrunnsstoff

• Søk etter norsk namnestatistikk for Hildur hjå Statistisk Sentralbyrå
• Folketeljingar i Digitalarkivet