Jieh

Jieh
الجية
by
Land	Libanon
Guvernement	Libanonfjella guvernement
Distrikt	Chouf distrikt
Høgd	0 moh.
Koordinatar	33°39′56.51″N 35°25′36.46″E
Borgarmeister	Georges Nader El-Azzi
Tidssone	EET (UTC+2)
- Sommartid	EEST (UTC+3)
Retningsnummer	+961
Jieh 33.665697222222°N 35.426794444444°E / 33.665697222222; 35.426794444444
Kart som viser Jieh. Kart som viser Jieh.
Wikimedia Commons: Jieh

Jieh (eller Jiyé, Jiyeh, arabisk الجية) er ein kystby i Libanon med eit estimert folketal på 5000. Han ligg 23 km sør for Beirut i Chouf distrikt, 20 minuttar unna langs motorvegen mellom Beirut og Sidon. I fønikisk tid vart han kalla Porphyreon og var ei naturleg hamn, som framleis er i bruk i dag. Byen er òg kjend for den sju kilometer lange sandstranda, noko som er sjeldan å sjå på den klippete kysten til Libanon.

Den hebraiske profeten Jonah skal ha kome i land her, då han vart spytta ut av ein enorm fisk, slik det vart skildra i Gamletestamentet, og det vart bygd eit tempel som framleis står i dag. Mange invasjonsstyrkar passerte gjennom Porphyreon som egyptaren Tohomtmos, som sette soldatane sine i land her for å kjempe vidare mot nord. Aleksander den store tok seg ein kvil ved kysten her, etter åtaket på Tyr. St. Peter og apostelen Paulus vandra òg gjennom Jieh fleire gonger.

I moderne tid vart Jieh hardt råka av den libanesiske borgarkrigen som varte frå 1975 til 1990. Som ein kystby var han sårbar for mange raid frå PLO i området, i tillegg til den israelske invasjonen i 1980-åra. Jieh er bygd opp att, men det går seinare her enn i hovudstaden Beirut.

Arkeologi

Byen har fleire arkeologiske ruinar, somme gravlagde under moderne bygningar, medan andre ventar på å bli grave fram. Ein har funne mosaikk som syner soga om profeten Jonah og fisken i Gamletestamentet i kyrkjer. Døme på desse er den store golvmosaikken frå bysantinsk tid, som var så store at ein trengde lastebilar for å frakte dei til eit museum.

Turisme

Det store turistmålet i Jieh er den 7 km lange sandstranda. Han ligg nær Beirut og vatnet er reint nok til at ein kan symje her. Fleire privateigde feriestader ligg langs stranda, og tar i mot mange turistar. Ein del av stranda er berre for kvinner.

Kjelder

• Denne artikkelen bygger på «Jieh» frå Wikipedia på engelsk, den 17. september 2014.
  • Wikipedia på engelsk oppgav desse kjeldene:
• Jieh Of Arkivert 2012-04-18 ved Wayback Machine. ficial website - www.jieh.gov.lb
• JiehOnline
• jieh official Facebook - https://www.facebook.com/pages/Jieh/204587569609638?ref=hl
• Pollution i Libanon
• USA Trade Online: Libanon Country Analysis
• Blank, S.J. (Ed), Middelhavet Security into the coming Millennium, 1999
• St Charbel College Website (French) Arkivert 2018-11-10 ved Wayback Machine.
• Electricite du Liban website Arkivert 2006-05-19 ved Wayback Machine.
• North York Knights of Columbus Website for fundraising the rebuilding of churches where Jesus walked and preached
• Bamboo Bay Jieh, 360° Panoramic View
• Kazzi, Antoine Naji, 1988, Porphyreon: The path of history, Khalifh publishing, Beirut, Libanon

1. ^ Azzi, A., Jieh Through history Atallah Family Website Arkivert 2005-08-29 ved Wayback Machine.
2. ^ The story of the Prophet Jonah and the giant fish
3. ^ Pictures of Byzantine church excavations, Dec 2004
4. ^ Bamboo Bay Jieh, 360° Panoramic View