Kvås
Kvås er ein tidlegare kommune i Vest-Agder. I 1909 vart Kvås og Austad skilt ut frå Lyngdal som eigne kommunar.
Frå 1837 var Kvås, Austad og Å ein del av Lyngdal formannskapsdistrikt. Frå 1. januar 1963 gjekk Austad og Kvås inn i Lyngdal igjen.
I Kvås ligg Kvås videregående skole, som er ein kristen internatskole som vart oppretta i 2005. Kvås Folkehøgskole låg òg i bygda i meir enn 80 år, men vart nedlagt i 2006. Kvås kyrkje ligg òg her.
Elva Lygna renn gjennom Kvås, og dannar Kvåsfossen.