Lifes Rich Pageant

Lifes Rich Pageant Studioalbum av R.E.M.
Språk	engelsk
Utgjeve	28. juli 1986
Innspelt	April – mai 1986
Sjanger	alternativ rock, jangle pop
Lengd	38:23
Selskap	I.R.S. Records
R.E.M.-kronologi
''Fables of the Reconstruction (1985)	Lifes Rich Pageant	Dead Letter Office (1987)

Lifes Rich Pageant er eit musikkalbum frå den amerikanske rockegruppa R.E.M. som vart gjeve ut i 1986. Det var meint som ein opptaktsreaksjon på det edruelege og historiske Fables of the Reconstruction, og R.E.M. valde Don Gehman som produsent på hans Belmont Mall Studios i Belmont i Indiana i USA.

Tittelen på albumet kjem frå eit engelsk idiomatisk uttrykk. Det er eit gamalt uttrykk, men R.E.M. sin bruk kjem, i følgje Peter Buck, frå filmen A Shot in the Dark frå 1964. Det at tittelen manglar apostrof i ordet «lifes» (skulle ha vore «Life’s»), er gjort med vilje, i likskap med m.a. titlane på spora på det førre albumet deira.

Den økologimedvitne «Fall on Me» (ein av favorittane til vokalist Michael Stipe) og ein coverversjon av The Clique sin song «Superman», sunge av bassist Mike Mills, var dei einaste av songane på albumet som vart utgjevne som singlar.

Ein annan song med økologi som tema på plata er «Cuyahoga», som refererer til den ein gong sterkt ureina Cuyahoga-elva, som renn inn i Eriesjøen i Cleveland i Ohio. Songen har tekstlina «we burned the river down», som refererer til dei gongene det byrja å brenne i elva.

Framsida på albumet viser bandmedlem Bill Berry sterkt sminka på den øvste delen, og eit bisonpar på den nedste delen.

Innhald

Alle tekstane og melodiane er ved Bill Berry, Peter Buck, Mike Mills og Michael Stipe, om ikkje anna er oppgjeve.

1. «Begin the Begin» – 3:28
2. «These Days» – 3:24
3. «Fall on Me» – 2:50
4. «Cuyahoga» – 4:19
5. «Hyena» – 2:50
6. «Underneath the Bunker» – 1:25
7. «The Flowers of Guatemala» – 3:55
8. «I Believe» – 3:49
9. «What If We Give It Away?» – 3:33
10. «Just a Touch» – 3:00
11. «Swan Swan H.» – 2:42
12. «Superman» (Gary Zekley, Mitchell Bottler) – 2:52