Luhansk

Luhansk
ukrainsk Луганськ, russisk Луганск, Lugansk
by
Flagg våpen
Land	Ukraina
Oblast	Luhansk oblast
Høgd	105 moh.
Koordinatar	48°34′0″N 39°20′0″E
Areal	257 km²
Folketal	445 900  (2004)
Folketettleik	1 735 / km²
Grunnlagd	1795
Borgarmeister	Serhiy Ivanovytsj Kravtsjenko
Postnummer	91000
Retningsnummer	+380 642
Luhansk 48.5717084°N 39.2973153°E / 48.5717084; 39.2973153
Kart som viser Luhansk. Kart som viser Luhansk.
Wikimedia Commons: Luhansk
Nettstad: http://gorod.lugansk.ua/

Luhansk (ukrainsk Луга́нськ, russisk Луга́нск, Lugansk), tidlegare Vorosjilovgrad, er ein by søraust i Ukraina. Han er det administrative senteret i Luhansk oblast (provins). Sjølve byen er ein eigen kommune i oblastet og har kring 450 000 innbyggjarar (2004). Sidan 2014 har byen vore kontrollert av den såkalla folkerepublikken Luhansk, der han er hovudstaden.

Historie

Byen har ei historie som går attende til 1795 då den britiske industrimagnaten Charles Gascoigne grunnla ein metallfabrikk der. Det var byrjinga på ein industri som framleis trivst i dag. Lugansk fekk bystatus i 1882. Han ligg i Donetsbekkenet og vart utvikla til eit viktig industrisenter i Aust-Europa, mellom anna var her eit stort selskap som bygde lokomotiv.

5. november 1935 fekk byen namnet Vorosjilovgrad (Ворошиловград) til ære for den sovjetiske militærkommandanten og politikaren Kliment Vorosjilov. Den 5. mars 1958 vart det gamle namnet gjeve attende, då Khrusjtsjov ikkje lenger ville gje namn på levande personar til byar. 5. januar 1970, etter at Vorosjilov døydde, vart namnet igjen endra attende til Vorosjilovgrad. Til slutt, den 4. mai 1990, vart det opphavlege namnet gjeve attende til byen.

Klima

Vêrdata for Luhansk
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Høgast målte °C	12,8	17,3	23,1	31,8	36,6	39,4	40,5	42	36,8	31,2	22,8	15,6	42
Gjennomsnittleg maks °C	−1	−0,4	5,7	15,6	22,2	26,4	28,7	28,1	21,8	13,9	5,3	0,1	13,9
Døgnmiddeltemperatur °C	−4	−4,1	1,4	9,7	15,8	20,1	22,3	21,2	15,3	8,6	1,8	−2,7	8,8
Gjennomsnittleg min °C	−6,8	−7,4	−2,4	4,2	9,4	13,8	16	14,5	9,4	4	−1,2	−5,5	4
Lågast målte °C	−41,9	−36,9	−27,3	−12,1	−8,2	−1,8	5,2	−0,4	−7,2	−16,3	−26,3	−29,6	−41,9
Gjennomsnittleg nedbør mm	36	36	32	33	50	61	63	34	45	35	39	39	503
Kjelde: Pogoda.ru.net

Kjelder

• Denne artikkelen bygger på «Luhansk» frå Wikipedia på engelsk, den 9. september 2012.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Luhansk